નવી દિલ્હી, 14 ઓક્ટોબર 2026: દેશમાં જથ્થાબંધ ભાવ સૂચકાંક (WPI) પર આધારિત ફુગાવો સપ્ટેમ્બરમાં વધીને 11.39 ટકા થયો હતો. ઓગસ્ટમાં તે 9.92 ટકા હતો. વાણિજ્ય અને ઉદ્યોગ મંત્રાલયના જણાવ્યા અનુસાર, ખનિજ તેલ, ખાદ્ય પદાર્થો, ક્રૂડ પેટ્રોલિયમ, કુદરતી ગેસ, કોલસો અને ધાતુઓના ભાવમાં થયેલા વધારાને કારણે જથ્થાબંધ ફુગાવાના દરમાં વધારો થયો છે.
રસાયણો, કાપડ, રબર, પ્લાસ્ટિક અને વિદ્યુત ઉપકરણોના ભાવમાં થયેલો વધારો પણ આમાં કારણભૂત રહ્યો હતો. આંકડા અનુસાર, સપ્ટેમ્બરમાં ઈંધણ અને વીજળી માટેનો ફુગાવાનો દર વધીને 25.85 ટકા થયો હતો, જે ઓગસ્ટમાં 22.93 ટકા હતો.
ઉત્પાદિત વસ્તુઓ માટેનો ફુગાવાનો દર 8.37 ટકાથી વધીને 9.76 ટકા થયો અને પ્રાથમિક વસ્તુઓ માટેનો ફુગાવાનો દર 7.76 ટકાથી વધીને 8.67 ટકા થયો.
ખાદ્ય ચીજવસ્તુઓ અને ખાદ્ય ઉત્પાદનો માટેનો ફુગાવાનો દર પણ ઓગસ્ટમાં 7.05 ટકાથી વધીને સપ્ટેમ્બરમાં 8.66 ટકા પર પહોંચ્યો હતો.
ચાલુ નાણાકીય વર્ષના પ્રથમ છ મહિનામાં જથ્થાબંધ ફુગાવાનો દર 9.85 ટકા રહ્યો હતો, જ્યારે અગાઉના નાણાકીય વર્ષના સમાન ગાળા દરમિયાન 0.2 ટકાનો ઘટાડો નોંધાયો હતો.
વધુ વાંચો: ભારત-આસિયાન સહયોગને નવી દિશા, દરિયાઈ સુરક્ષા અને ઉભરતી ટેક્નોલોજી પર સંયુક્ત સંશોધનનો પ્રસ્તાવ
 પર આધારિત ફુગાવો સપ્ટેમ્બરમાં વધીને 11.39 ટકા થયો હતો. ઓગસ્ટમાં તે 9.92 ટકા હતો.){kind=link}