સમગ્ર ભારતમાં ગણેશ ચતુર્થીના તહેવારની ઉજવણી કરવામાં આવી રહી છે. હિન્દુ ધર્મમાં આ તહેવાર ખૂબ જ ધામધૂમથી ઉજવવામાં આવે છે.લોકો 10 દિવસ સુધી પોતાના ઘરમાં ગણેશની સ્થાપના કરીને તેમની પૂજા કરે છે. આ દરમિયાન ગણેશજીને મનપસંદ વાનગીઓ ચઢાવવામાં આવે છે. જો આ વખતે તમે પણ ગણેશજીને કોઈ મીઠી વાનગી ખવડાવવા માંગતા હોવ તો તમે તેને બદામની ખીર બનાવીને ખવડાવી શકો છો.તો ચાલો જાણીએ તેને બનાવવાની રેસિપી વિશે…
સામગ્રી
બદામ – 2 કપ
દૂધ – 2 લિટર
કેસર – 3 ચમચી
દેશી ઘી – 2 ચમચી
એલચી પાવડર – 2 ચમચી
ખાંડ – જરૂર મુજબ
બનાવવાની રીત
1. સૌ પ્રથમ એક બાઉલમાં બદામ નાખો.
2. પછી આ બદામ પર ગરમ પાણી રેડો.
3. બદામને ઓછામાં ઓછા 15 મિનિટ માટે ગરમ પાણીમાં પલાળવા દો.
4. આ પછી, બદામને ચાળણીની મદદથી બહાર કાઢો અને તેના પર ઠંડુ પાણી રેડો.
5. બદામને મિક્સરમાં નાખીને બ્લેન્ડ કરો.
6. બ્લેન્ડ કરેલ બદામમાંથી પેસ્ટ બનાવો.
7. આ પછી પેસ્ટને એક વાસણમાં નાખીને તળી લો.
8. બદામ લાઈટ બ્રાઉન રંગની થાય ત્યાં સુધી સારી રીતે શેકો.
9. જ્યારે પેસ્ટ સારી રીતે તળાઈ જાય તો તેમાં દૂધ ઉમેરો.
10. દૂધ નાખ્યા પછી ગેસ પર ખીરમાં એલચી પાવડર, ખાંડ અને કેસર નાખો.
11.10-15 મિનિટ સુધી પકાવો અને પછી ગેસ બંધ કરો.
12. તમારી ખીર તૈયાર છે. તેને ઠંડી થવા દો અને ભગવાન ગણેશને અર્પણ કરો.
