નાસ્તામાં બનાવો હેલ્ધી અને ટેસ્ટી પાપડી ચાટ: નોંધી લો સરળ રેસિપી

સાંજના સમયે કંઈક ચટાકેદાર અને સ્વાદિષ્ટ ખાવાની ઈચ્છા સૌ કોઈને થતી હોય છે. રોજના તળેલા નાસ્તા કે બિસ્કિટથી કંટાળી ગયા હોવ, તો કંઈક અલગ અને હેલ્ધી ટ્રાય કરવા માટે ‘હેલ્ધી પાપડી ચાટ’ એક ઉત્તમ વિકલ્પ સાબિત થઈ શકે છે. સામાન્ય રીતે ચાટનું નામ સાંભળતા જ મનમાં એવો વિચાર આવે કે તેમાં પુષ્કળ પ્રમાણમાં તેલ અને મસાલા હશે, પરંતુ થોડાક સ્માર્ટ બદલાવ કરીને તેને એકદમ હળવી અને પૌષ્ટિક બનાવી શકાય છે.

• જરૂરી સામગ્રી

8 થી 10 નાની હેલ્ધી પાપડી
1 કપ ઉકાળેલા સફેદ કે કાલા ચણા
1 કપ તાજું દહીં
1 નાનું ટામેટું (બારીક સમારેલું)
1 નાની ડુંગળી (બારીક સમારેલી)
અડધું કાકડી (બારીક સમારેલી)
1 નાની ઉકાળેલી બટાકી
1 થી 2 ચમચી લીલી ચટણી
1 થી 2 ચમચી આમલીની મીઠી ચટણી
અડધી ચમચી શેકેલો જીરું પાવડર
અડધી ચમચી ચાટ મસાલો
થોડો લાલ મરચું પાવડર
સ્વાદ અનુસાર મીઠું
થોડી ઝીણી સમારેલી કોથમીર
થોડા દાડમના દાણા

• પાપડી ચાટ બનાવવાની રીત

સૌપ્રથમ પાપડી બનાવવા માટે એક બાઉલમાં 1 કપ ઘઉંનો લોટ, મીઠું અને અડધી ચમચી અજમો લો. તેમાં 1 ચમચી તેલ ઉમેરીને થોડું પાણી નાખી કઠણ લોટ બાંધી લો. હવે નાની લુઈઓ વણીને કાંટા વડે તેમાં કાણાં પાડી દો. તેને તેલમાં તળવાને બદલે ઓવન કે એર ફ્રાયરમાં ક્રિસ્પી થાય ત્યાં સુધી શેકી લો. એક વાસણમાં તાજું દહીં લઈ તેને સારી રીતે ફેંટી લો. તેમાં થોડો શેકેલો જીરું પાવડર અને સ્વાદ અનુસાર મીઠું મિક્સ કરો. જો દહીં વધારે ખાટું હોય, તો સ્વાદને બેલેન્સ કરવા માટે બાદમાં થોડી મીઠી આમલીની ચટણી ઉમેરી શકો છો.

એક મોટા બાઉલમાં ઉકાળેલા ચણા, બારીક સમારેલી ડુંગળી, ટામેટું, કાકડી અને ઉકાળેલી બટાકી ઉમેરો. તેમાં થોડો ચાટ મસાલો, શેકેલું જીરું અને મીઠું નાખીને સારી રીતે મિક્સ કરી લો. જો ઈચ્છો તો તેમાં થોડો લીંબુનો રસ પણ ઉમેરી શકો છો, જેનાથી ચાટમાં સરસ ખાટો સ્વાદ આવશે. હવે એક પ્લેટમાં તૈયાર કરેલી પાપડી ગોઠવો. તેના ઉપર ચણા અને શાકભાજીનું મિશ્રણ મૂકો. ત્યારબાદ ઉપરથી ફેંટેલું દહીં, લીલી ચટણી અને આમલીની ચટણી રેડો. અંતે તેના ઉપર ચાટ મસાલો, શેકેલું જીરું અને લાલ મરચું પાવડર ભભરાવો. તાજી કોથમીર અને દાડમના દાણાથી સજાવીને આ હેલ્ધી ચાટ સર્વ કરો.

• સ્વાદ વધારવા માટેની ખાસ ટિપ્સ

ચાટને વધુ પૌષ્ટિક બનાવવા માટે તેમાં ઉકાળેલા ફણગાવેલા કઠોળ, ગાજર કે છીણેલું બીટ પણ ઉમેરી શકો છો.
ચાટ બનાવીને તરત જ ખાઈ લેવી, કારણ કે વધુ સમય રાખવાથી પાપડી પોચી પડી શકે છે. તમે ચટણી, દહીં અને ચણાનું મિશ્રણ અગાઉથી તૈયાર રાખી શકો છો અને ખાવાના સમયે જ પાપડી પર મિક્સ કરીને સર્વ કરો.