15 જ દિવસમાં 509 મહિલાઓ અને બાળકો સહિત 800થી વધુ લાપતાઃ પોલીસની નિષ્ક્રિયતાથી લોકોમાં નારાજગી

નવી દિલ્હી, 5 ફેબ્રુઆરી, 2026 – 509 women missing in just 15 days દિલ્હી પોલીસના એક તાજા અહેવાલ અનુસાર દેશની રાજધાનીમાંથી 2026ના પ્રારંભિક 15 દિવસમાં જ 509 મહિલા, 100 કરતાં વધુ બાળકો સહિત 800 કરતાં વધુ લોકો ગાયબ થઈ ગયા છે અથવા તેમનું અપહરણ થયું છે. ગુજરાત અને દિલ્હી સહિત દેશના અનેક મહાનગરોમાંથી રોજેરોજ બાળકો લાપતા થવાની ફરિયાદો સતત ઉઠ્યા કરે છે. એ જ સમયે આ મહાનગરોમાં ટ્રાફિક સિગ્નલો પર બાળકો ભીખ માગતાં પણ જોવા મળે છે. આ એક એવું વિષચક્ર છે જેનો હજુ સુધી કોઈ ઉકેલ મળતો નથી. આશ્ચર્યજનક વાત એ છે કે, અનેક કિસ્સામાં માત્ર થોડા કલાકમાં અથવા થોડા દિવસમાં જ કેસ ઉકેલી નાખતી પોલીસ બાળકોના મોટાપાયે ગુમ થવાના કિસ્સામાં શા માટે હજુ સુધી કોઈ નક્કર ઉપાય શોધી શકી નથી?

આ પણ વાંચોઃ સુજલામ સુફલામ જળ અભિયાન કામગીરીનો ૨૧ ફેબ્રુઆરીથી પ્રારંભ થશે

વર્ષના પ્રારંભે દિલ્હીની સ્થિતિ

એક ચોંકાવનારા ખુલાસામાં એ વાત સામે આવી છે કે વર્ષ 2026ના પ્રથમ 15 દિવસમાં જ દિલ્હીમાં 800થી વધુ લોકો ગુમ થયા હોવાનું નોંધાયું છે. 1 થી 15 જાન્યુઆરીની વચ્ચે કુલ 807 લોકો ગુમ થયા હતા, જે મુજબ સરેરાશ દરરોજ 54 લોકો લાપતા થયા છે. આમાંથી 509 મહિલાઓ અને બાળકીઓ હતી, જ્યારે 298 પુરુષો હતા. પ્રાપ્ત માહિતી અનુસાર, આ સમયગાળા દરમિયાન સરેરાશ 13 બાળકો દરરોજ ગુમ થયા છે. દિલ્હી પોલીસના આંકડા દર્શાવે છે કે ગુમ થયેલા કુલ લોકોમાં 191 સગીરો અને 146 બાળકીઓ હતી, જ્યારે 616 પુખ્ત વયના લોકો ગુમ થયા હતા. પોલીસે જણાવ્યું કે લગભગ 572 લોકો હજુ પણ લાપતા છે, જ્યારે પોલીસ 235 વ્યક્તિઓને શોધી કાઢવામાં સફળ રહી છે.

બાળકો અને કિશોરોની સ્થિતિ

 PTI સમાચાર સંસ્થાના અહેવાલ મુજબ, પોલીસ 29 છોકરીઓ અને 19 છોકરાઓને શોધવામાં સફળ રહી છે, પરંતુ લગભગ 71 ટકા કિશોરો (121) હજુ પણ મળ્યા નથી. 8 થી 12 વર્ષની વયજૂથમાં 13 બાળકો ગુમ થયા હતા — જેમાં આઠ છોકરાઓ અને પાંચ છોકરીઓ હતી — જેમાંથી માત્ર ત્રણ છોકરાઓ જ મળી આવ્યા છે. આઠ વર્ષથી ઓછી ઉંમરની શ્રેણીમાં કુલ નવ બાળકો ગુમ થયા હોવાનું નોંધાયું હતું, જેમાંથી ત્રણ છોકરાઓ મળી આવ્યા છે અને છ બાળકો હજુ પણ લાપતા છે.

આ પણ વાંચોઃ પદ્મશ્રી નિલેશભાઈ માંડલેવાલા સાથે REVOIની ખાસ વાતચીતઃ જાણો અંગદાન વિશે શું કહ્યું?

પુખ્ત વયના લોકોમાં સૌથી વધુ સંખ્યા ગુમ થયેલા લોકોમાં પુખ્ત વયના લોકોનો હિસ્સો સૌથી મોટો રહ્યો છે. જાન્યુઆરીના પ્રથમ પખવાડિયામાં 616 પુખ્ત વયના લોકો ગુમ થયા હતા, જેમાં 363 મહિલાઓ અને 253 પુરુષોનો સમાવેશ થાય છે. જ્યારે પોલીસ 90 પુરુષો અને 91 મહિલાઓને શોધી શકી છે, ત્યારે 435 લોકોનો હજુ સુધી કોઈ પત્તો લાગ્યો નથી.

ચિંતાજનક આંકડા

છેલ્લા વર્ષોનું વિશ્લેષણ વર્ષ 2025માં દિલ્હીમાં કુલ 24,508 લોકો ગુમ થયા હોવાનું નોંધાયું હતું, જેમાં મહિલાઓનો હિસ્સો 60 ટકાથી વધુ એટલે કે 14,870 હતો. પુરુષોના કિસ્સામાં આ સંખ્યા 9,638 હતી. આંકડાઓ મુજબ પોલીસે 15,421 વ્યક્તિઓને શોધી કાઢ્યા હતા, પરંતુ 9,087 કેસ વણઉકેલ્યા રહ્યા છે. એક દાયકાનું વિશ્લેષણ (2016-2026) દર વર્ષે ગુમ થતા લોકોની વધતી સંખ્યાનો ચિંતાજનક પ્રવાહ દર્શાવે છે. દિલ્હી પોલીસના રેકોર્ડ મુજબ, છેલ્લા દસ વર્ષમાં દિલ્હીમાં કુલ 2,32,737 લોકો ગુમ થયા હતા, જેમાંથી આશરે 1.8 લાખ વ્યક્તિઓને શોધી શકાયા છે, પરંતુ લગભગ 52,000 કેસ હજુ પણ વણઉકેલ્યા છે.

આ પણ વાંચોઃ અમિત શાહ પ્રથમ સહકારી-ક્ષેત્રની ટેક્સી સેવા, ભારત ટેક્સી લોન્ચ કરશે