અમદાવાદઃ શહેરના રવિશંકર આર્ટ ગેલેરી ખાતે વર્લ્ડ ફોટોગ્રાફી ડેની ઊજવણીના ભાગરૂપે ફોટો જર્નાલિસ્ટ એસોશિએશન દ્વારા ફોટો પ્રદર્શનનું આયોજન કરવામાં આવ્યું હતું.. આ ફોટો પ્રદર્શન મુખ્યમંત્રી ભુપેન્દ્રભાઈ પટેલના હસ્તે ખુલ્લું મુક્યું હતું. આ પ્રસંગે અનેક રાજકીય મહાનુભાવો પણ ઉપસ્થિત રહ્યાં હતા.
શહેરના રવિશંકર આર્ટ ગેલેરી ખાતે વર્લ્ડ ફોટોગ્રાફી ડેની ઊજવણીના ભાગરૂપે ફોટો જર્નાલિસ્ટ એસોશિએશન દ્વારા ફોટો પ્રદર્શનનું આયોજન કરવામાં આવ્યું હતું. ફોટો જર્નાલિસ્ટ એક્ઝિબિશનમાં 160 સુંદર અને સમાચારલક્ષી અલભ્ય તસવીરો પ્રદર્શિત કરવામાં આવી છે. જેને મુખ્યમંત્રીએ અત્યંત રસપૂર્વક આ તસ્વીરોને નિહાળી હતી. કેમેરાના માધ્યમથી કચકડે કંડારાયેલી અનેક તસવીરોની યાદગાર ક્ષણોને મુખ્યમંત્રીએ બિરદાવીને તસવીરકારોને શુભકામના પણ પાઠવી હતી
ફોટો જર્નાલિસ્ટ એસોશિએશનના 31 સભ્યો દ્વારા કોરોના કાળથી અત્યાર સુધીમાં કેમેરામાં કંડારાયેલી બેનમૂન તસવીરો આ ફોટો પ્રદર્શનમાં પ્રદર્શિત કરવામાં આવ્યાં છે. પ્રાકૃતિક સૌંદર્ય, રીત-રિવાજ તથા માનવીય સંવેદના ઉપરાંત કોરોના કાળમાં સરકાર દ્વારા ઉપલબ્ધ કરાયેલી ટેસ્ટિંગથી માંડી અન્ય સુવિધાઓને ઉજાગર કરતી વિવિધ બાબતોને ફોટો પત્રકારોએ કેમેરામાં કંડારી છે. તે પૈકીની શ્રેષ્ઠ તસ્વીરો આ પ્રદર્શનમાં પ્રદર્શિત કરવામાં આવી છે.
શ્રેષ્ઠ તસ્વીરો પૈકી પ્રથમ ક્રમાંકે અમીત દવે, બીજા ક્રમે શૈલેષ સોલંકી અને ત્રીજા ક્રમે ધવલ ભરવાડને તથા અન્ય 10 કોન્સોલેશન પ્રાઈઝ) મેળવનાર તસવીરકારોને મુખ્યમંત્રીના હસ્તે ઈનામ એનાયત કરવામાં આવ્યા હતા. આ પ્રદર્શન જાહેર જનતા માટે 28 ઓગષ્ટ સુધી ખુલ્લું રહેશે.
