પીએમ મોદીએ દક્ષિણ આફ્રિકાના રાષ્ટ્રપતિ સાથે ટેલિફોન પર વાતચીત કરી,આ મુદ્દાઓ પર થઈ વાતચીત
- પીએમ મોદીએ દક્ષિણ આફ્રિકાના રાષ્ટ્રપતિ સાથે કરી વાત
- માટેમેલા સિરિલ રામાફોસા સાથે ટેલિફોન પર કરી વાતચીત
- વૈશ્વિક મુદ્દાઓ સહીત અનેક મુદ્દાઓ પર વાતનું આદાન-પ્રદાન
દિલ્હી: દેશના વડાપ્રધાન જ્યારથી દેશની સત્તામાં આવ્યા છે ત્યારથી ભારતના વિદેશ સાથેના સંબંધો ખૂબ જ મજબૂત બન્યા છે અને ભારત વિશ્વની સાથે સાથે કદમ મિલાવીને ચાલતો દેશ બન્યો છે ત્યારે પીએમ મોદીએ દક્ષિણ આફ્રીકાના રાષ્ટ્રપતિ સાથે ફોન પર વાત કરી હતી.
વડાપ્રધાન નરેન્દ્ર મોદીએ દક્ષિણ આફ્રિકાના રાષ્ટ્રપતિ માટેમેલા સિરિલ રામાફોસા સાથે ટેલિફોન પર વાતચીત કરી હતી.બંને નેતાઓએ 2023માં ઉજવવામાં આવી રહેલા દ્વિપક્ષીય રાજદ્વારી સંબંધોની સ્થાપનાની ત્રીસમી વર્ષગાંઠના સંદર્ભમાં સહિત દ્વિપક્ષીય સહકારમાં પ્રગતિનું સકારાત્મક મૂલ્યાંકન કર્યું.
રાષ્ટ્રપતિ રામાફોસાએ 22-24 ઓગસ્ટ, 2023ના રોજ દક્ષિણ આફ્રિકા દ્વારા આયોજિત બ્રિક્સ સમિટ માટે વડાપ્રધાનને આમંત્રણ આપ્યું હતું અને તેની તૈયારીઓ વિશે તેમને માહિતી આપી હતી. વડાપ્રધાનએ આમંત્રણ સ્વીકાર્યું અને જણાવ્યું કે તેઓ સમિટમાં ભાગ લેવા જોહાનિસબર્ગની તેમની મુલાકાતની રાહ જોઈ રહ્યા છે.
તેઓએ પરસ્પર હિતના સંખ્યાબંધ પ્રાદેશિક અને વૈશ્વિક મુદ્દાઓ પર પણ વિચારોનું આદાન-પ્રદાન કર્યું.
રાષ્ટ્રપતિ રામાફોસાએ તેની ચાલી રહેલી G-20 પ્રેસિડેન્સીના ભાગ રૂપે ભારતની પહેલોને તેમનો સંપૂર્ણ ટેકો આપ્યો અને કહ્યું કે તેઓ G-20 સમિટમાં ભાગ લેવા ભારતની મુલાકાત લેવા આતુર છે. બંને નેતાઓ સંપર્કમાં રહેવા સંમત થયા હતા.
અગાઉ પણ પીએમ મોદીએ દક્ષિણ આફ્રિકાના રાષ્ટ્રપતિ સાથે ટેલિફોન દ્વારા વાતચીત કરી હતી,જેમાં ભારતને દીપડા મોકલાવવા માટે દક્ષિણ આફ્રિકાનો આભાર માન્યો.બંને નેતાઓ વચ્ચે અનેક પ્રાદેશિક અને વૈશ્વિક મુદ્દાઓ પર ચર્ચા થઈ હતી. દક્ષિણ આફ્રિકામાં શાંતિની પહેલની સાથે યુક્રેનમાં શાંતિ સ્થિરતાના મુદ્દા પર પણ ચર્ચા કરવામાં આવી હતી.
