જોન અબ્રાહમ અને તેની પત્ની પ્રિયા કોરોના પોઝિટિવ,સોશિયલ મીડિયા પર આપી માહિતી
- જોન અબ્રાહમ અને તેની પત્ની પ્રિયા કોરોના પોઝિટિવ
- સોશિયલ મીડિયા પર આપી આ અંગે માહિતી
- પોતાને કર્યા હોમ આઈસોલેટ
મુંબઈ:કોરોનાનો પ્રકોપ ધીમે ધીમે વધી રહ્યો છે.ગયા વર્ષની જેમ આ વર્ષની શરૂઆતથી જ લોકોને ડર લાગવા માંડ્યો છે કે કદાચ કોરોના ફરી અસરકારક ન બને. આ વર્ષે સામાન્ય લોકોની સાથે મોટી હસ્તીઓ પણ તેનો શિકાર બની રહી છે. ફિલ્મ ઈન્ડસ્ટ્રીના ઘણા મોટા કલાકારો કોરોનાની ઝપેટમાં આવી ગયા છે.બોલિવૂડ એક્ટર જોન અબ્રાહમને પણ કોરોના થયો છે.તેણે સોમવારે સવારે આ માહિતી આપી છે કે તે અને તેની પત્ની કોરોના પોઝિટિવ છે.
જોન અબ્રાહમે સોમવારે સવારે તેના ઈન્સ્ટાગ્રામ દ્વારા એક સ્ટોરી પોસ્ટ કરી અને તેના ચાહકોને માહિતી આપી કે તે કોરોનાનો શિકાર બન્યો છે, તેનો રિપોર્ટ પોઝિટિવ આવ્યો છે અને તેની પત્ની પણ કોરોના પોઝિટિવ છે.તેણે સ્ટોરીમાં લખ્યું છે કે,ત્રણ દિવસ પહેલા હું એક વ્યક્તિના સંપર્કમાં હતો જેના વિશે પછીથી ખબર પડી કે તે કોવિડ પોઝિટિવ છે.પ્રિયા અને હું કોવિડ પોઝિટિવ છીએ.જેથી અમે હવે પોતાને ઘરમાં ક્વોરેન્ટાઇન કરી લીધા છે.
બોલિવૂડમાં કોરોના ઝડપથી ફેલાઈ રહ્યો છે. જેના કારણે ફિલ્મ ઈન્ડસ્ટ્રીના લોકો કામના સંબંધમાં અહીં-તહીં ફરતા રહે છે.2 દિવસ પહેલા જોનની ફિલ્મ ‘બાટલા હાઉસ’માં તેની કો-સ્ટાર રહેલી મૃણાલ ઠાકુર પણ કોવિડ પોઝિટિવ થઈ ગઈ હતી. તેણે સોશિયલ મીડિયા પર માહિતી આપીને પોતાને આઈસોલેટ કરી લીધી છે. તેણે ખૂબ જ હળવા લક્ષણો અનુભવ્યા હતા. અત્યારે કોરોનાનો ખતરો વધી રહ્યો છે. આ વખતે મોટી હસ્તીઓ પણ તેનાથી અછૂત નથી.
જોન ગયા વર્ષે બે મોટી ફિલ્મોમાં જોવા મળ્યા હતા અને તેની બંને ફિલ્મો બોક્સ ઓફિસ પર કંઈ કમાલ બતાવી શકી ન હતી. ગયા વર્ષની શરૂઆતમાં ‘મુંબઈ સાગા’માં કામ કર્યું હતું અને આ વર્ષે નવેમ્બરમાં ‘સત્યમેવ જયતે 2’માં જોવા મળ્યા હતા. આ વર્ષે પણ તેની ઘણી ફિલ્મો રિલીઝ માટે તૈયાર છે.જેમાંથી એક છે ‘એટેક’.. જેની રિલીઝ ડેટ 28 ફેબ્રુઆરી 2022 રાખવામાં આવી છે. તેની રિલીઝ પણ કોરોનાની અસર પર નિર્ભર રહેશે.
