પ્રધાનમંત્રી નરેન્દ્ર મોદીએ કેન્દ્રીય મંત્રી એલ. મુરુગનના ઘરે પોંગલ તહેવારની ઉજવણી કરી

નવી દિલ્હી 14 જાન્યુઆરી 2026: પ્રધાનમંત્રી નરેન્દ્ર મોદીએ પોંગલ તહેવારની ઉજવણી કરી. આ પ્રસંગે પીએમ મોદીએ કેન્દ્રીય મંત્રી એલ. મુરુગનના નિવાસસ્થાનની મુલાકાત લીધી અને ત્યાં પ્રાર્થના અને ધાર્મિક વિધિઓ કરી.

પ્રધાનમંત્રીએ પોંગલના તહેવાર પર તમામ દેશવાસીઓને શુભેચ્છા પાઠવતા કહ્યું કે આ તહેવાર પ્રકૃતિ, પરિવાર અને સમાજ વચ્ચે સંતુલન સ્થાપિત કરવાનો માર્ગ બતાવે છે.

પીએમ મોદીએ પોંગલ તહેવારની ઉજવણી કરી

આ તહેવાર નિમિત્તે, પીએમ મોદીએ તમિલ રીતરિવાજ અનુસાર પ્રાર્થના કરી. ત્યારબાદ તેમણે ગાય અને તેના વાછરડાને ચારો ખવડાવ્યો અને તેમને માળા પહેરાવીને પ્રાર્થના પણ કરી.

વધુ વાંચો: મકરસંક્રાતિ પર્વઃ 15 લાખથી વધારે શ્રદ્ધાળુઓએ ગંગાસગરમાં લગાવી આસ્થાની ડુબકી

પ્રધાનમંત્રીએ આ તહેવારના મહત્વ પર પ્રકાશ પાડતા કહ્યું, “આ તહેવાર (પોંગલ) પ્રકૃતિ, પરિવાર અને સમાજ વચ્ચે સંતુલન સ્થાપિત કરવાનો માર્ગ બતાવે છે.” હાલમાં, લોહરી, મકરસંક્રાંતિ, માઘ બિહુ અને અન્ય તહેવારોની ઉજવણીને કારણે દેશના વિવિધ ભાગોમાં ઉત્સાહનો માહોલ છે. “ભારત અને દુનિયાભરમાં રહેતા મારા બધા તમિલ ભાઈઓ અને બહેનોને પોંગલ અને અન્ય તમામ તહેવારોની હાર્દિક શુભેચ્છાઓ.”

‘તમિલ સંસ્કૃતિ એ આખા ભારતનો વારસો છે.’

પોંગલ તહેવારના અવસર પર, પ્રધાનમંત્રી મોદીએ કહ્યું, “ગયા વર્ષે તમિલ સંસ્કૃતિ સાથે સંબંધિત અનેક કાર્યક્રમોમાં ભાગ લેવાની તક મળી તે મારા માટે ખૂબ જ સુખદ અનુભવ હતો. મેં તમિલનાડુના હજાર વર્ષ જૂના ગંગાઈકોંડા ચોલાપુરમ મંદિરમાં પ્રાર્થના કરી. વારાણસીમાં કાશી તમિલ સંગમ દરમિયાન, મને દરેક ક્ષણે સાંસ્કૃતિક એકતાની ઉર્જા સાથે જોડાયેલો અનુભવ થયો.”

વધુ વાંચો: વડાપ્રધાન નરેન્દ્ર મોદીએ પાઠવી મકર સંક્રાંતિની શુભકામનાઓ