નવી દિલ્હી, 14 નવેમ્બર 2026: વિદેશ મંત્રી ડૉ. સુબ્રહ્મણ્યમ જયશંકરે જણાવ્યું છે કે, યુક્રેન અને ગલ્ફ ક્ષેત્ર સહિતની આંતરરાષ્ટ્રીય ઘટનાઓ કે પરિસ્થિતિઓ સાથે કામ કરતી વખતે ભારત હંમેશા પોતાના રાષ્ટ્રીય હિતોને ધ્યાનમાં રાખશે. તેમણે નવી દિલ્હીમાં એક ખાનગી મીડિયા હાઉસ દ્વારા આયોજિત કાર્યક્રમમાં આ વાત કહી હતી. જયશંકરે નોંધ્યું કે, વિશ્વ હાલમાં મુશ્કેલ ભૌગોલિક-રાજકીય (geopolitical) પરિસ્થિતિઓનો સામનો કરી રહ્યું છે, જે તીવ્ર બનતી સ્પર્ધા, બદલાતા વૈશ્વિક સત્તા સમીકરણો અને આંતરરાષ્ટ્રીય નિયમોના નબળા પડવાને કારણે સર્જાઈ છે. તેમણે એમ પણ જણાવ્યું કે પશ્ચિમ એશિયામાં ચાલી રહેલા તણાવ સહિતના મોટા યુદ્ધો અને સંઘર્ષોએ વૈશ્વિક સ્થિરતા સામે ગંભીર પડકાર ઊભો કર્યો છે.
વિદેશ મંત્રીએ જણાવ્યું હતું કે વૈશ્વિક ઊર્જા ક્ષેત્રમાં નોંધપાત્ર ફેરફારો આવ્યા છે. તેમણે નોંધ્યું કે ઊર્જા, ટેકનોલોજી, સૈન્ય ક્ષમતાઓ અને રાજકીય વાતાવરણ વચ્ચેના આંતરપ્રભાવને કારણે જોખમ લેવાની વૃત્તિમાં ઘણો વધારો થયો છે. ભારત-અમેરિકા વેપાર કરાર અંગે ડૉ. જયશંકરે ઉલ્લેખ કર્યો કે, કેટલીક બાકી રહેલી બાબતો ઉકેલાઈ ગયા બાદ આ કરાર ટૂંક સમયમાં આખરી સ્વરૂપ ધારણ કરી લેશે તેવી અપેક્ષા છે. તેમણે ઉમેર્યું કે, અમારો ઉદ્દેશ્ય એક એવો વેપાર કરાર કરવાનો છે જે સંતુલિત હોય અને બંને પક્ષો માટે લાભદાયી હોય.
વધુ વાંચો: ઔદ્યોગિક વિકાસ અને પર્યાવરણ સંરક્ષણ વચ્ચે સંતુલન જાળવવા પર ગિરિરાજ સિંહનો ભાર
