રેસ્ટોરન્ટ જેવો સ્વાદ હવે ઘરે! ટ્રાય કરો ક્રીમી મેથી મટર મલાઈની સરળ રેસીપી

રેસીપી, 14 ઓક્ટોબર 2026: જો તમે શિયાળાની ઋતુમાં ‘મેથી મટર મલાઈ’ નથી ખાધી તો તમે એક ઉત્તમ સ્વાદ ચૂકી રહ્યા છો. આ એક ક્રીમી અને હળવી મીઠાશ ધરાવતી ઉત્તર ભારતીય વાનગી છે. મેથીની હળવી કડવાશ, લીલા વટાણાની મીઠાશ અને ક્રીમી ગ્રેવીનું મિશ્રણ તેને ખાસ બનાવે છે. આ રેસીપી ખાસ પ્રસંગો અને રોજિંદા ભોજન બંને માટે બેસ્ટ છે. તેનો સ્વાદ એટલો અદભૂત છે કે જે પણ તેને ખાશે તે તેના વખાણ કર્યા વિના રહી શકશે નહીં.

મેથી મટર મલાઈ માટેની સામગ્રી

મેથીની પાંદડીઓ – 1 કપ

લીલા વટાણા (બાફેલા) – અડધો કપ

ડુંગળી – 2

કાજુ – 12

લીલાં મરચાં – 2

આદુ – 1 ઇંચનો ટુકડો

તાજી મલાઈ – અડધો કપ

દૂધ – અડધો કપ

ઘી – 2 મોટી ચમચી

જીરું – અડધી નાની ચમચી

તમાલપત્ર – 1

હળદર – અડધી નાની ચમચી

ધાણાજીરું પાઉડર – 1 નાની ચમચી

ગરમ મસાલા – અડધી નાની ચમચી

ખાંડ – અડધી નાની ચમચી

મીઠું – સ્વાદ અનુસાર

મેથી મટર મલાઈ બનાવવાની સરળ રીત

મેથી મટર મલાઈ બનાવવા માટે સૌથી પહેલાં મેથીની પાંદડીઓની કડવાશ ઓછી કરો. પાંદડીઓને થોડા મીઠાવાળા પાણીમાં 10 મિનિટ માટે પલાળી રાખો અને પછી વધારાનું પાણી નીચોવી લો. આ પ્રક્રિયાથી કડવાશ ઓછી કરવામાં મદદ મળે છે.

ડુંગળી, કાજુ, આદુ અને લીલાં મરચાંને પીસીને પેસ્ટ બનાવી લો. કાજુ ગ્રેવીને ઘટ્ટ અને ક્રીમી બનાવે છે. પીસતા પહેલાં તેને 15 મિનિટ માટે ગરમ પાણીમાં પલાળી રાખો. ઉપરાંત સફેદ ડુંગળીનો ઉપયોગ કરો જેથી ગ્રેવીનો રંગ સફેદ જળવાઈ રહે.

ગેસ પર એક પેન મૂકો અને ઘી ગરમ કરો. જીરું ઉમેરો અને જ્યારે તે તતડવા લાગે ત્યારે તેમાં કાજુની પેસ્ટ ઉમેરીને સારી રીતે સાંતળો. યોગ્ય રીતે સાંતળવાથી વાનગીનો સ્વાદ શ્રેષ્ઠ બને છે.

પેસ્ટ સારી રીતે સંતળાઈ જાય પછી તેમાં હળદર, લાલ મરચું, ધાણાજીરું પાવડર અને મેગી મસાલો ઉમેરો અને ધીમી આંચ પર પકાવો. ખાતરી કરો કે મસાલા બરાબર ચડી જાય અને કાચા ન લાગે.

હવે પેનમાં મેથીની ભાજીને પકાવો ત્યારબાદ બાફેલા વટાણા ઉમેરો અને થોડીવાર પકાવો. વટાણાની મીઠાશ મેથીના સ્વાદને સંતુલિત કરે છે. ત્યારબાદ કાજુની પેસ્ટ ઉમેરો. છેલ્લે દૂધ, ક્રીમ, મીઠું અને થોડી ખાંડ ઉમેરીને બધું મિક્સ કરો. આનાથી વાનગીને ઘટ્ટ અને મુલાયમ ટેક્સચર મળે છે. ‘મેથી મટર મલાઈ’ને નાન, તંદૂરી રોટિ અથવા પરાઠા સાથે પીરસો.