રશિયાનું સ્પેશક્રાફ્ટ લુના-25 ક્રેશ થયું,11 ઓગસ્ટે કરવામાં આવ્યું હતું લોન્ચ

• રશિયાનું મિશન લુના-25 નિષ્ફળ
• 11 ઓગસ્ટે રશિયાએ લુના-25 લોન્ચ કર્યુ હતું
• રશિયાનું સ્પેશક્રાફ્ટ લુના-25 ક્રેશ થયું

દિલ્હી : ચંદ્ર પર મોકલવામાં આવેલ રશિયાનું અવકાશયાન લુના-25 ચંદ્રની સપાટી પર ક્રેશ થયું છે. રશિયન સ્પેસ એજન્સી રોસકોસ્મોસે આ વાત સ્વીકારી છે. રશિયન સ્પેસ એજન્સીએ કહ્યું કે તેમના દ્વારા ખોટા માપદંડો સેટ કરવામાં આવ્યા હતા. પોતાના ડેટા વિશ્લેષણમાં ભૂલ હતી. જેના કારણે વાહન ખોટી ભ્રમણકક્ષામાં ગયું અને ક્રેશ થયું.

રશિયા હવે તરત જ ચંદ્ર પર જવા માટે મિશન કરી શકશે નહીં. તેનું સપનું ચકનાચૂર થઈ ગયું છે. રશિયન સ્પેસ એજન્સીએ કહ્યું કે ગઈકાલે લુના-25નો સંપર્ક કરવામાં સમસ્યા આવી હતી. ત્યારપછી તેમનો સંપર્ક કરવાનો અનેક પ્રયાસ કરવામાં આવ્યો પરંતુ કોઈ ફાયદો થયો નહીં.

રોસકોસ્મોસે જણાવ્યું હતું કે પ્રાથમિક તપાસ મુજબ લુના-25 મૂળ માપદંડોથી ભટકી ગયું હતું. નિશ્ચિત ભ્રમણકક્ષાને બદલે, તે બીજી ભ્રમણકક્ષામાં ગયુ જ્યાં તેને જવું ન જોઈએ. જેના કારણે તે સીધો ચંદ્રના દક્ષિણ ધ્રુવ પાસે ક્રેશ થયું હતું.

રશિયાએ લગભગ 47 વર્ષ પછી ચંદ્ર પર મિશન મોકલ્યું. પરંતુ તેમનું પાંચ દાયકા જૂનું સ્વપ્ન હવે રહ્યું નથી. લુના-25 વિશે એવો દાવો કરવામાં આવી રહ્યો હતો કે તે ચંદ્રયાન-3 પહેલા ચંદ્ર પર ઉતરશે. પરંતુ રશિયન સ્પેસ એજન્સીને પણ ખ્યાલ નહોતો કે તે ક્રેશ લેન્ડિંગ હશે.

અમુર ઓબ્લાસ્ટના વોસ્ટોની કોસ્મોડ્રોમથી 11 ઓગસ્ટના રોજ સવારે 4:40 કલાકે લુના-25 લોન્ચ કરવામાં આવ્યું હતું. લોન્ચિંગ સોયુઝ 2.1બી રોકેટથી કરવામાં આવ્યું હતું. તેને લુના-ગ્લોબ મિશન પણ કહેવામાં આવે છે. 1976ના લુના-24 મિશનથી અત્યાર સુધી કોઈ પણ રશિયન વાહન ચંદ્રની ભ્રમણકક્ષામાં પહોંચી શક્યું નથી. તે પહોંચ્યું પણ ખરાબ હાલતમાં.

રશિયાએ સોયુઝ રોકેટથી લોન્ચ કર્યું હતું. તે લગભગ 46.3 મીટર લાંબુ હતું. તેનો વ્યાસ 10.3 મીટર હતો. વજન 313 ટન હતું. તેણે લુના-25 લેન્ડરને પૃથ્વીની બહાર ગોળાકાર ભ્રમણકક્ષામાં છોડ્યું. જે બાદ આ અવકાશયાન ચંદ્રના હાઈવે પર રવાના થયું. તેણે તે હાઈવે પર 5 દિવસ સુધી મુસાફરી કરી. આ પછી તે ચંદ્રની આસપાસની ભ્રમણકક્ષામાં પહોંચી ગયું. પરંતુ નિર્ધારિત લેન્ડિંગના એક દિવસ પહેલા ક્રેશ થયું