ભારત અને ઓસ્ટ્રેલિયા વચ્ચે વાતચીત , ઈન્ડો-પેસિફિક સહિત વિવિધ મુદ્દાઓ પર ચર્ચા થઈ
દિલ્હી – ભારત અને ઓસ્ટ્રેલિયા વચ્હે ગાઢ સંબંધો રહ્યા છે આ સંદર્ભે બંને દેશો વચ્ચે વાત ચિત થતી રહતી હોય છે ત્યારે વિતેલા દિવસને મંગળવારે ભારત અને ઓસ્ટ્રેલિયા વચ્ચે ટુ પ્લસ ટુ વાટાઘાટો થઈ હતી.
માહિતી મુજબ આ વાતચીત માં મ્યાનમારની સ્થિતિ ચિંતાનો વિષય બની ગઈ. બંને દેશો એ કટોકટીને દૂર કરવા લોકશાહીમાં સંક્રમણની હાકલ કરી. આ બેઠકમાં રક્ષા મંત્રી રાજનાથ સિંહ અને વિદેશ મંત્રી એસ જયશંકર હાજર હતા. મંત્રી સ્તરીય વાટાઘાટોના ભાગ રૂપે ઓસ્ટ્રેલિયાના નાયબ વડાપ્રધાન અને સંરક્ષણ મંત્રી રિચાર્ડ માર્લ્સ અને વિદેશ મંત્રી પેની વોંગ પણ ઉપસ્થિત રહ્યા હતા. આ દરમિયાન ઈન્ડો-પેસિફિક, મિડલ ઈસ્ટ, યુક્રેનનો વિકાસ વગેરે જેવા અનેક મુદ્દાઓનો પણ ઉલ્લેખ કરવામાં આવ્યો હતો.
બંને દેશોની 2+2 વાટાઘાટો દરમિયાન, યુક્રેનમાં યુદ્ધનો ઉલ્લેખ કરવામાં આવ્યો હતો, તેના દુ:ખદ માનવતાવાદી પરિણામો અંગે ઊંડી ચિંતા વ્યક્ત કરવામાં આવી હતી. મંત્રીઓએ યુક્રેનમાં વ્યાપક, ન્યાયી અને શાંતિપૂર્ણ શાંતિ માટે તેમના સમર્થનનો પુનરોચ્ચાર કર્યો હતો જે સંયુક્ત રાષ્ટ્ર ચાર્ટરના તમામ હેતુઓ અને સિદ્ધાંતોને સમર્થન આપે છે.
આ સહિત મધ્ય પૂર્વ કટોકટી પર ચર્ચા મીટિંગમાં, બંને પક્ષોએ, 7 ઓક્ટોબર, 2023 ના રોજ ઇઝરાયેલ સામેના ભયાનક આતંકવાદી હુમલાઓને ધ્યાનમાં રાખીને, પુનઃપુષ્ટિ કરી કે તેઓ આતંકવાદ સામે ઇઝરાયેલ સાથે ઉભા છે અને નાગરિકોની સુરક્ષા સહિત આંતરરાષ્ટ્રીય માનવતાવાદી કાયદાનું પાલન કરવા હાકલ કરી છે.
આ વટાઘાટોમાં મંત્રીઓએ માનવતાવાદી વિરામ માટે સમર્થન વ્યક્ત કર્યું અને સંઘર્ષના ફેલાવાને રોકવા, મધ્ય પૂર્વમાં સ્થિરતા જાળવવા અને રાજકીય સમાધાન અને શાંતિ તરફ કામ કરવા પ્રદેશના મુખ્ય ભાગીદારો સહિત નજીકના રાજદ્વારી સંકલન ચાલુ રાખવા માટે પ્રતિબદ્ધ છે.
બીજી તરફ મ્યાનમારમાં બગડતી પરિસ્થિતિ પણ ચર્ચાનો વિષય હતી મંગળવારે ચાલુ થયેલી વાતચીતમાં મંત્રીઓએ મ્યાનમારની સ્થિતિ પર ચિંતા વ્યક્ત કરી હતી. અહીં બગડતી પરિસ્થિતિ અને પ્રાદેશિક સુરક્ષા અને સ્થિરતા પર પ્રકાશ પાડવામાં આવ્યો હતો. તેઓએ હિંસા પર તાત્કાલિક રોક લગાવવા, મનસ્વી રીતે અટકાયતમાં લેવાયેલા તમામની મુક્તિ, માનવતાવાદી સહાય માટે સુરક્ષિત પ્રવેશ, સંવાદ દ્વારા કટોકટીના નિરાકરણ અને સંઘીય લોકશાહીમાં સંક્રમણની હાકલ કરી હતી.\
tags:
india and australia
