મુંબઈઃ વૈશ્વિક બજારના નબળા વલણને કારણે ભારતીય શેરબજાર 17 જાન્યુઆરીએ ઘટાડા સાથે ખુલ્યું હતું. આજે એટલે કે ગુરુવારે સેન્સેક્સ (BSE સેન્સેક્સ) અને નિફ્ટી (NSE નિફ્ટી)માં તીવ્ર ઘટાડો જોવા મળ્યો હતો.બજાર ખુલતાની સાથે જ સેન્સેક્સ 1000 પોઈન્ટથી વધુ ઘટીને 72000 ની નીચે ગયો હતો. જ્યારે નિફ્ટી 21650 ની નીચે ખુલ્યો. આ પછી શેરબજારમાં જોરદાર ઉતાર-ચઢાવ જોવા મળી રહ્યો હતો. શરૂઆતના કારોબારમાં સેન્સેક્સ 1,371.23 પોઈન્ટ ઘટીને 71,757.54 પોઈન્ટ અને નિફ્ટી 395.35 પોઈન્ટ ઘટીને 21,636.95 પોઈન્ટ્સ પર બંધ થયો હતો.
સવારે 9.17 વાગ્યાની આસપાસ સેન્સેક્સ 755.28 પોઈન્ટ અથવા 1.03 ટકા ઘટીને 72,373.49 પર અને નિફ્ટી 203.50 પોઈન્ટ અથવા 0.92 ટકા ઘટીને 21,828.80 પર હતો. આજના શરૂઆતના ટ્રેડિંગ સેશનમાં ભારતી એરટેલ, ઈન્ફોસિસ, નેસ્લે, રિલાયન્સ ઈન્ડસ્ટ્રીઝ, અલ્ટ્રાટેક સિમેન્ટ, એનટીપીસી, આઈટીસી નિફ્ટીના શેરોમાં ટોપ ગેઇનર્સ હતા, જ્યારે HDFC બેન્ક, હિન્દાલ્કો ઈન્ડસ્ટ્રીઝ, ટાટા સ્ટીલ, એક્સિસ બેન્ક અને બજાજ ઓટોને ભારે નુકસાન થયું હતું.
ત્રિમાસિક પરિણામો (Q3 પરિણામો) પછી આજે HDFC બેન્કના શેરમાં મોટો ઘટાડો જોવા મળ્યો હતો. આજના શરૂઆતના વેપારમાં, દેશની સૌથી મોટી ખાનગી બેંક HDFC બેંકનો શેર 5 ટકા ઘટીને રૂ. 1,580.00 થયો હતો.આ ઘટાડાને કારણે નિફ્ટી બેંક શરૂઆતના વેપારમાં 1,202.4 પોઈન્ટ અથવા 2.50%ના ઘટાડા સાથે ટ્રેડ કરી રહી હતી. જ્યારે અન્ય ક્ષેત્રોની વાત કરીએ તો કેપિટલ ગુડ્ઝ અને આઈટી કંપનીઓના શેરો લાભ સાથે ટ્રેડ થઈ રહ્યા છે.
(Photo-File)
