- મંકીપોક્સ વાયરસ 20 દેશોમાં પહોંચ્યો
- 200 કેસની થઇ પુષ્ટિ
- WHOએ નિવેદન બહાર પાડ્યું
દિલ્હી:મંકીપોક્સ વાયરસ 20 થી વધુ દેશોમાં ફેલાયો છે અને આ દેશોમાં લગભગ 200 કેસની પુષ્ટિ થઈ છે.આ સિવાય 100થી વધુ શંકાસ્પદ કેસ મળી આવ્યા છે. મંકીપોક્સના કેસો એવા દેશોમાં પણ જોવા મળ્યા છે જ્યાં તે પહેલાં ક્યારેય સાંભળ્યું ન હતું. વર્લ્ડ હેલ્થ ઓર્ગેનાઈઝેશન (WHO) એ શુક્રવારે આ જાણકારી આપી.મંકીપોક્સ એ એક પ્રકારનો વાયરસ છે, જે જંગલી પ્રાણીઓને ચેપ લગાડે છે અને તેમાંથી માણસો સુધી પહોંચે છે. તે ચિકન પોક્સ પરિવારનો રોગ છે.
અત્યાર સુધી મંકીપોક્સના કેસ માત્ર મધ્ય અને પશ્ચિમ આફ્રિકાના દેશોમાં જ જોવા મળતા હતા. પરંતુ હવે તે યુરોપિયન દેશોમાં પણ ઝડપથી ફેલાઈ રહ્યો છે.આ રોગ સૌ પ્રથમ વર્ષ 1958માં વૈજ્ઞાનિકોએ શોધી કાઢ્યો હતો. પછી શીતળા જેવા બે રોગ થયા. ડૉક્ટરોએ વાનરો પર સંશોધન કર્યું, જેના પછી આ રોગનું નામ મંકીપોક્સ રાખવામાં આવ્યું.મનુષ્યમાં મંકીપોક્સ વાયરસનો પ્રથમ કેસ વર્ષ 1970માં નોંધાયો હતો.ત્યારે આફ્રિકન દેશ કોંગોના ફાર ઈસ્ટ ભાગમાં એક બાળક વાયરસથી સંક્રમિત જોવા મળ્યું હતું.
વર્લ્ડ હેલ્થ ઓર્ગેનાઈઝેશનનો અંદાજ છે કે,દર વર્ષે ડઝનેક આફ્રિકન દેશોમાં મંકીપોક્સના ચેપના હજારો કેસ છે.મોટાભાગના કેસો કોંગોમાંથી આવે છે.આ આંકડો વાર્ષિક 6000 જેટલો છે. જ્યારે નાઈજીરિયામાં દર વર્ષે લગભગ 3000 કેસ નોંધાય છે. 7 મેના રોજ બ્રિટનમાં મંકીપોક્સનો પ્રથમ કેસ નોંધાયો હતો. તાજેતરના અઠવાડિયામાં વાયરસ ઉત્તર અમેરિકા અને યુરોપમાં ફેલાયો છે. વાયરસથી પીડિત દર્દીઓ થોડા અઠવાડિયામાં સ્વસ્થ થઈ જાય છે. અત્યાર સુધી આનાથી મૃત્યુનો કોઈ કેસ નોંધાયો નથી.
