બોલિવૂડના ભાઈજાન ફેમસ અભિનેતા સલમાન ખાનને મોટો ઝટકો લાગ્યો છે. દિગ્દર્શક એટલી હવે તેમની જગ્યાએ અલ્લુ અર્જુનને કાસ્ટ કરશે, આ ફિલ્મમાં એક નહીં પણ ત્રણ અભિનેત્રીઓ જોવા મળશે. તાજેતરના અહેવાલ મુજબ, બોલીવુડના દિગ્ગજ અભિનેતા સલમાન ખાન દિગ્દર્શક એટલી કુમારની આગામી ફિલ્મમાં જોવા મળશે નહીં. આ ફિલ્મમાં હવે અભિનેતા સલમાનની જગ્યાએ ‘પુષ્પા’ ફેમ અભિનેતા અલ્લુ અર્જુનને કાસ્ટ કરવામાં આવશે. જોકે, અહેવાલો મુજબ, દિગ્દર્શક એટલી પહેલા સલમાન ખાન સાથે પુનર્જન્મ થીમ પર આધારિત 600 કરોડ રૂપિયાની એક્શન ફિલ્મ લઈને આવવાના હતા. હવે તેણે પોતાનો વિચાર બદલી નાખ્યો છે.
અહેવાલો અનુસાર, અભિનેતા સલમાન ખાનની પાછલી ફિલ્મોના પ્રદર્શનને કારણે, એટલીએ તેમને આટલી મોટી ફિલ્મમાં ન લેવાનો નિર્ણય લીધો છે. સન પિક્ચર્સ આ મલ્ટી-સ્ટારર ફિલ્મને ભંડોળ પૂરું પાડવાની યોજના બનાવી રહી છે. પહેલા દિગ્દર્શક આ ફિલ્મ સલમાન ખાન અને રજનીકાંત સાથે બનાવવા માંગતા હતા. હવે તેની યોજનાઓ બદલીને, એટલીએ અલ્લુ અર્જુનને કાસ્ટ કર્યો છે અને બીજા અભિનેતાની શોધ કરી રહ્યો છે.
દિગ્દર્શક એટલી કુમારની આગામી એક્શન ફિલ્મમાં ત્રણ અભિનેત્રીઓ જોવા મળશે. આમાં મુખ્ય ભૂમિકા તરીકે જાહ્નવી કપૂરનું નામ સૌથી આગળ છે. આ મોટા બજેટની ફિલ્મનું શૂટિંગ વર્ષના અંત સુધીમાં શરૂ થવાની ધારણા છે. હાલમાં આ ફિલ્મનું પ્રી-પ્રોડક્શન કામ ચાલી રહ્યું છે. આ અંગે હજુ સુધી કોઈ સત્તાવાર જાહેરાત કરવામાં આવી નથી.
