ચીન જેવી ઉભરતી એશિયાઈ અર્થવ્યવસ્થા હજુ પણ વૈશ્વિક અર્થવ્યવસ્થાના મુખ્ય એન્જિન: IMF
નવી દિલ્હીઃ ઈન્ટરનેશનલ મોનેટરી ફંડ (IMF) એ તેનો ‘વર્લ્ડ ઈકોનોમિક આઉટલુક રિપોર્ટ’ અપડેટ કર્યો છે, જેમાં અંદાજ છે કે, ચીનની અર્થવ્યવસ્થા 2024માં 5 ટકા વૃદ્ધિ પામશે.
IMFના મુખ્ય અર્થશાસ્ત્રી પિયર-ઓલિવર ગૌરીનચાસે જણાવ્યું હતું કે, ચીન જેવી ઉભરતી એશિયાઈ અર્થવ્યવસ્થા હજુ પણ વૈશ્વિક અર્થવ્યવસ્થાના મુખ્ય એન્જિન છે.
રિપોર્ટ અનુસાર આ વર્ષની શરૂઆતમાં વૈશ્વિક આર્થિક પ્રવૃત્તિ અને વિશ્વ વેપાર એકીકૃત થયો હતો. એશિયામાંથી નિકાસમાં વૃદ્ધિ, ખાસ કરીને એશિયાના મજબૂત ટેક્નોલોજી ક્ષેત્રની કામગીરીએ વેપાર વૃદ્ધિને વેગ આપ્યો છે.
રિપોર્ટમાં વૈશ્વિક આર્થિક વૃદ્ધિ આ વર્ષે 3.2 ટકા અને 2025માં 3.3 ટકા રહેવાનો અંદાજ છે. અહેવાલમાં જણાવાયું છે કે, વૈશ્વિક સ્તરે ફુગાવાના ઊંચા જોખમો, નોંધપાત્ર રીતે વધતા વેપાર ઘર્ષણ અને નીતિની અનિશ્ચિતતામાં વધારો, વ્યાજ દરો લાંબા સમય સુધી ઊંચા રહી શકે છે.
વધુમાં, ગૌરીનચાસે ભારપૂર્વક જણાવ્યું હતું કે, યુએસ ડેટ ટુ ગ્રોસ ડોમેસ્ટિક પ્રોડક્ટ (જીડીપી) રેશિયો સતત વધી રહ્યો છે, જે યુ.એસ. અને વૈશ્વિક અર્થતંત્ર માટે સંભવિત જોખમો પેદા કરે છે.
