શિયાળામાં હઠીલી ઉધરસથી પરેશાન છો ? તો આ ઘરગથ્થુ ઉપાય અપનાવો,જલ્દીથી મળશે રાહત

હવામાન ઝડપથી બદલાઈ રહ્યું છે. ઠંડીએ દસ્તક આપી છે. જ્યારે ઋતુ બદલાય છે ત્યારે રોગપ્રતિકારક શક્તિ નબળી પડે છે.આવી સ્થિતિમાં શરદી, છીંક અને ઉધરસ સામાન્ય છે.ખાસ કરીને સૂકી ઉધરસ ખૂબ ખતરનાક હોય છે.જ્યારે ઉધરસ આવે છે, ત્યારે આખા પેટમાં અને પાંસળીમાં દુખાવો થાય છે.તેનાથી બચવા માટે ઘરે જ કેટલાક ઘરેલું ઉપાય કરી શકાય છે.

મધ

સૂકી ઉધરસ માટે મધ રામબાણ છે. તે માત્ર ગળાના દુખાવાને જ દૂર કરે છે પરંતુ ગળાના ઈન્ફેક્શનને પણ મટાડે છે.તેના માટે અડધા ગ્લાસ નવશેકા પાણીમાં 2 ચમચી મધ મિક્સ કરીને પીવો.દરરોજ આ પદ્ધતિ અપનાવવાથી તમને સૂકી ઉધરસમાં રાહત મળશે.આ સિવાય નિયમિતપણે ગરમ પાણીમાં મીઠું ભેળવીને ગાર્ગલ કરો.

આદુ અને મીઠું

સૂકી ઉધરસમાં પણ આદુ રાહત આપે છે.આ માટે એક ગઠ્ઠો આદુનો ભૂકો કરી તેમાં એક ચપટી મીઠું ઉમેરીને દાઢની નીચે દબાવો.તેનો રસ ધીમે-ધીમે મોંની અંદર જવા દો.તેને તમારા મોંમાં 5 મિનિટ સુધી રાખો અને પછી ગાર્ગલ કરી લો.

હળદરવાળું દૂધ

હળદર વાળું દૂધ પીવાથી પણ આરામ મળે છે.આ માટે 1 ગ્લાસ દૂધમાં અડધી ચમચી હળદર ભેળવીને રોજ પીવો.આ સિવાય સ્ટીમ લેવાથી પણ ઘણો ફાયદો થાય છે.આ માટે, ગરમ પાણી લો અને તમારા માથા પર રૂમાલ મૂકી ગરમ પાણીની ઉપર મો રાખીને બાફ લો.