દિગ્ગજ સિંગર અભિજીત ભટ્ટાચાર્યનો આજે જન્મદિવસ, ઘણી ફિલ્મોમાં આપ્યા હિટ ગીતો

• દિગ્ગજ સિંગર અભિજીત ભટ્ટાચાર્યનો આજે જન્મદિવસ
• 1990ના દાયકામાં તેનું નામ લોકપ્રિય ગાયકોની યાદીમાં
• અભિજીતે ઘણી ફિલ્મોમાં આપ્યા હિટ ગીતો

મુંબઈ:દિગ્ગજ સિંગર અભિજીત ભટ્ટાચાર્યનો આજે જન્મદિવસ છે. તેઓ આજે 63 વર્ષના થયા છે. અભિજીતનો જન્મ કાનપુરમાં થયો હતો. તેમના પિતા ધીરેન્દ્રનાથ ભટ્ટાચાર્ય પશ્ચિમ બંગાળની રાજધાની કોલકાતાના રહેવાસી હતા. ચાર ભાઈઓમાં અભિજીત સૌથી નાનો છે. તેમણે કાનપુરમાં સ્નાતક સુધીનો અભ્યાસ કર્યો. આ પછી વર્ષ 1981 માં તેઓ ગાયકીમાં નસીબ અજમાવવા માટે મુંબઈ આવ્યા.

અભિજીત ભટ્ટાચાર્યને વર્ષ 1983માં પહેલીવાર બોલિવૂડ ફિલ્મ ‘મુઝે ઈન્સાફ ચાહિયે’માં આશા ભોસલે સાથે ‘પ્રેમ દૂત આયા’ ગાવાની તક મળી હતી.મિથુન સ્ટારર આ ગીતમાં તેણે કિશોર કુમારની સ્ટાયલમાં ગાયું હતું, જે લોકોને પસંદ આવ્યું હતું અને તે પછી તેણે ક્યારેય પાછળ વળીને જોયું નથી અને ઈન્ડસ્ટ્રીને એકથી વધુ રોમેન્ટિક હિટ ફિલ્મો આપી.

અભિજીતે લગભગ 100 ફિલ્મોમાં 6 હજારથી વધુ ગીતો ગાયા છે. અભિજીત બોલિવૂડના દિવંગત ગાયક કિશોર કુમારથી ઘણા પ્રભાવિત રહ્યા. તેણે કિશોર કુમારના સેંકડો ગીતો પોતાના અવાજમાં ગાયા અને રિમેક કર્યા.

અભિજીતે બોલિવૂડના બાદશાહ શાહરૂખ ખાન માટે પણ ઘણા ગીતો ગાયા છે. એક સમય એવો હતો જ્યારે તે શાહરૂખ ખાનનો અવાજ બન્યા હતા. તેણે ડુપ્લિકેટ, અશોકા અને ઓમ શાંતિ ઓમ જેવી ફિલ્મોમાં શાહરૂખ ખાન માટે રોમેન્ટિક ગીતો ગાયા હતા. પરંતુ ફિલ્મ ‘મેં હૂં ના’ પછી, ‘ઓમ શાંતિ ઓમ’માં ક્રેડિટ લિસ્ટના અંતે ગાયકોના નામ લેવા બદલ તે શાહરૂખ ખાનથી નારાજ થઈ ગયા હતા અને તેણે શાહરુખ માટે ગાવાનું બંધ કરી દીધું.

અભિજીતે 2009માં આવેલી ફિલ્મ ‘બિલ્લુ’ માટે ‘ખુદાયા ખેર’ ગાયું હતું. જો કે, આ ગીતનું પિકચરાઇઝ કરવામાં આવ્યું ન હતું કારણ કે અભિજીતે તેના માટે મેકર્સને ના પાડી હતી. આ પછી એક અલગ વર્ઝન અને અન્ય ગાયકે આ ગીતને એક અલગ પિકચરાઇઝ આપ્યું હતું.

અભિજીત ભટ્ટાચાર્યએ ઘણા નોન-ફિલ્મી પોપ મ્યુઝિક આલ્બમ્સ રેકોર્ડ કર્યા છે. તેણે 1990ના દાયકાની શરૂઆતમાં બે આલ્બમ ‘મેં દિવાના હૂં’ અને ‘ટપોરી નંબર 1’ રજૂ કર્યા. બાદમાં તેણે ‘આશિકી’ લોન્ચ કરી. તેણે વર્ષ 2003માં એક પોપ આલ્બમ લોન્ચ કર્યું, જે તે વર્ષે સુપર હિટ થયું.