ચહેરા પર જોવા મળતા કેટલીક નિશાન હોઈ શકે છે ગંભીર બીમારીના સંકેત
- ચહેરાથી ખબર પડે છે સ્વાસ્થ્યની તંદુરસ્તી
- કેટલાક નિશાન છે ગંભીર બીમારીના સંકેત
- આગમચેતી પગલા લેવા જરૂરી
ચહેરો માણસની જીવનમાં ખુલ્લી પુસ્તક જેવો છે. જો તેને વાંચતા આવડે તો કોઈ શબ્દોની જરૂર પડતી નથી અને તમામ વસ્તુ કે વાતો વિશે તરત ખબર પડી જાય છે. આ વાતને સ્વાસ્થ્યની તંદુરસ્તી સાથે પણ જોડી શકાય તેમ છે.
કેટલાક લોકોના ચહેરા પર અલગ પ્રકારની બેચેની કે નિરાશા જોવા મળતી હોય છે અને ચહેરો જ તમારી સ્થિતિ અને તમારો પરિચય લોકોને આપે છે. ચહેરા અને આંખો પીળી થવી એ કમળાના તાવનું મુખ્ય લક્ષણ છે. આવી સ્થિતિમાં, વ્યક્તિના ચહેરા પરથી માલુમ પડી જાય છે કે વ્યક્તિને કમળાની અસર થઈ છે અને તે પછી તેની સારવાર શરૂ થાય છે.
જો કોઈ વ્યક્તિની આઈબ્રો અને આઈલેશેસના વાળ ખરી ગયા છે, તો તે એલોપેસીયા એરેટા ડિસઓર્ડરનું નિશાની હોઈ શકે છે. શરીરમાં આ સમસ્યા રોગપ્રતિકારક શક્તિને કારણે થાય છે જે ચહેરાના વાળને નિશાન બનાવે છે. આમાં, ચહેરાના વાળ ખરવાને કારણે, પેચો દેખાવા લાગે છે અથવા તે સ્થળે ટાલ આવે છે. આ સ્થિતિને રોકવાનો કોઈ રસ્તો નથી, પરંતુ સૂચવેલ દવાઓ અથવા ટોનિકસ વાળને ફરીથી ઉગાડવા મદદ કરી શકે છે.
ક્યારેક કેટલાક લોકોને આંખમાંથી નીકળતા પ્રવાહીના કારણે આંખ નીચેના વિસ્તારમાં સોજો આવી જાય છે. સોજોવાળી આંખો માટે નીચે આપેલા કેટલાક કારણો હોઈ શકે છે. આ પાછળના કારણો અનિદ્રા, વધુ પડતા મીઠાનું સેવન, આંતરસ્ત્રાવીય બદલાવ, ગરમ અને ભેજવાળા વાતાવરણ, એલર્જી અને વધુ મેકઅપ હોઈ શકે છે.
