- કોરોના પર કેડિલા-ઝાયડસનો વાર
- નીડલ-ફ્રી કોરોના વેક્સિનનો સપ્લાય શરૂ
બુધવારે સરકારને મોકલી પ્રથમ બેચ
દિલ્હી: કોરોનાવાયરસના કારણે અત્યારે તમામ દેશો વેક્સિન બનાવી રહ્યા છે. મોટાભાગના દેશો કોરોનાને માત આપવા માટે વેક્સિન બનાવી રહ્યા છે ત્યારે ભારતીય ફાર્માસ્યુટિકલ કંપની ઝાયડસ કેડિલાએ કોરોનાની રસી ZycoV-Dની સપ્લાય શરૂ કરી દીધી છે. જાણકારી અનુસાર Zydus Cadila દ્વારા ઉત્પાદિત Zycov-D એ સોય-મુક્ત (Needle-Free) રસી છે, જેને લાગુ કરવા માટે સોયની જરૂર નથી. આ રસી સોય-મુક્ત ઇન્જેક્ટર દ્વારા આપવામાં આવશે.
ઝાયડસ કેડિલાની આ રસી ગયા વર્ષે ઈમરજન્સી ઉપયોગ માટે મંજૂર કરવામાં આવી હતી. કંપનીએ કહ્યું કે Zycov-Dના એક ડોઝની કિંમત 265 રૂપિયા નક્કી કરવામાં આવી છે. આ સાથે, સોય-મુક્ત ઇન્જેક્ટર ખરીદવા માટે 93 રૂપિયા અલગથી ચૂકવવા પડશે. આમ, Zycov-D ના એક ડોઝની કુલ કિંમત 358 રૂપિયા થશે.
ઉલ્લેખનીય છે કે ભારતમાં 16 જાન્યુઆરી 2021થી રસીકરણ શરૂ થયું હતું. શરૂઆતમાં આ રસી માત્ર હેલ્થકેર વર્કર્સ, ફ્રન્ટલાઈન વર્કર્સ અને વૃદ્ધોને આપવામાં આવતી હતી. ત્યારબાદ 1 મે, 2021થી 18 વર્ષથી વધુ ઉંમરના લોકોને પણ રસી આપવામાં આવી હતી. વર્ષ 2022 શરૂ થતાં જ દેશમાં બાળકોનું રસીકરણ શરૂ થઈ ગયું છે. 3 જાન્યુઆરી 2022 થી, દેશભરમાં 15 વર્ષથી વધુ ઉંમરના તમામ બાળકોને રસી આપવામાં આવી રહી છે.
