જમ્મુ-કાશ્મીરમાં 168 આતંકવાદી સક્રિય,આ વર્ષે એન્કાઉન્ટરમાં 75 આતંકવાદીઓ માર્યા ગયાઃ સેના અધિકારી

• જમ્મુ-કાશ્મીરમાં 168 આતંકવાદી સક્રિય
• આ વર્ષે એન્કાઉન્ટરમાં 75 આતંકવાદીઓ માર્યા ગયા
• અધિકારીઓએ આ અંગે આપી માહિતી

શ્રીનગર :જમ્મુ-કાશ્મીરમાં ઓછામાં ઓછા 168 આતંકવાદીઓ સક્રિય છે જ્યારે આ વર્ષે એન્કાઉન્ટરમાં 75 આતંકવાદીઓ માર્યા ગયા છે. અધિકારીઓએ આ માહિતી આપી.તેમણે કહ્યું કે માર્યા ગયેલા આતંકવાદીઓમાંથી 21 વિદેશી હતા.તેમણે કહ્યું કે છેલ્લા 11 મહિનામાં, નિયંત્રણ રેખા (એલઓસી) પર એન્કાઉન્ટરમાં આતંકવાદીઓને ઠાર કરવામાં આવ્યા છે અને ઘૂસણખોરીના 12 પ્રયાસોને નિષ્ફળ કરવામાં આવ્યા છે. સેનાના એક વરિષ્ઠ અધિકારીએ જણાવ્યું હતું કે, “બાકીના લગભગ 168 આતંકવાદીઓ કાં તો આત્મસમર્પણ ન કરે અથવા માર્યા ન જાય ત્યાં સુધી સઘન ઓપરેશન (આતંક-વિરોધી) સંપૂર્ણ શક્તિમાં ચાલુ રહેશે.”

તેમણે કહ્યું કે,સેનાની વિનિર્દિષ્ટ તૈનાતી સાથે એકંદર પરિસ્થિતિમાં સતત સુધારો થઈ રહ્યો છે,જેના પરિણામે સરકારની વિકાસલક્ષી પહેલોને વેગ આપવા માટે સકારાત્મક વાતાવરણ સર્જાઈ રહ્યું છે.

અધિકારીએ કહ્યું કે ગુપ્તચર નેટવર્ક સાથેના સંકલન અને સામાન્ય લોકોના સમર્થનને કારણે આ શક્ય બન્યું છે. તેમણે કહ્યું કે ગયા વર્ષે 495 ઓવર ગ્રાઉન્ડ વર્કર્સ (આતંકવાદી સંગઠનો માટે કામ કરતા) પકડાયા હતા, જ્યારે આ વર્ષના પ્રથમ ચાર મહિનામાં આવા માત્ર 87 લોકોને પકડવામાં આવ્યા છે. અધિકારીએ જણાવ્યું હતું કે, યુદ્ધવિરામ ભંગ, ઘૂસણખોરીનો પ્રયાસ અથવા દુશ્મન દ્વારા કોઈપણ અન્ય સાહસિક પ્રયાસનો સખત જવાબ આપવામાં આવશે.