દિલ્હી : બોલિવૂડનો હેન્ડસમ હંક ઋતિક રોશન તેના ડાન્સ અને ફિટનેસ માટે જાણીતો છે. ઋતિક રોશન અને દીપિકા પાદુકોણ આ દિવસોમાં તેમની આગામી ફિલ્મને લઈને ચર્ચામાં છે. તાજેતરમાં, અભિનેતાએ તેની એક્શન-થ્રિલર ફિલ્મ ‘ફાઇટર’ સંબંધિત અપડેટ સોશિયલ મીડિયા પર શેર કરી છે. આ અપડેટ જોયા બાદ ફિલ્મની રિલીઝને લઈને ચાહકોમાં જબરદસ્ત ઉત્તેજના જોવા મળી રહી છે. આ ફિલ્મની સ્ટારકાસ્ટની સાથે વાર્તા પણ શાનદાર બનવાની છે.
ચાહકોને સરપ્રાઈઝ આપતા હૃતિક રોશને તેની આગામી એક્શન-થ્રિલર ફિલ્મ ‘ફાઈટર’ વિશે કેટલીક ખાસ વિગતો શેર કરી છે. હૃતિક રોશન અને દીપિકા પાદુકોણ સ્ટારર ફિલ્મ ‘ફાઇટર’ના ફર્સ્ટ લુક અને રિલીઝ ડેટની સત્તાવાર જાહેરાત કરવામાં આવી છે. ફિલ્મનું પોસ્ટર જોઈને લોકો તેની સરખામણી હોલીવુડની ફિલ્મ સાથે કરી રહ્યા છે.
https://www.instagram.com/p/Ct8wuUmL3vC/?img_index=1
હૃતિક રોશન અને દીપિકા પાદુકોણની એક્શન-થ્રિલર ફિલ્મ ફાઈટરનો ફર્સ્ટ લૂક રિલીઝ થઈ ગયો છે. અભિનેતાના આ લુકથી ફિલ્મને લઈને ચાહકોની ઉત્સુકતા વધી ગઈ છે. હૃતિકે તેના લુકની સાથે ફિલ્મની રિલીઝ ડેટ પણ જાહેર કરી છે. આ પોસ્ટરમાં અભિનેતા સ્ક્વોડ્રન લીડરના લુકમાં જોવા મળી રહ્યો છે. આ પોસ્ટરમાં જોઈ શકાય છે કે હૃતિક રોશન ફાઈટર પ્લેનને ટચ કરતો જોવા મળી રહ્યો છે. ફિલ્મ ‘ફાઈટર’માં અભિનેતા હૃતિક રોશન એરફોર્સ ઓફિસરના રોલમાં જોવા મળશે. ‘ફાઈટર’ના ફર્સ્ટ લૂકની સાથે જ ફિલ્મની રિલીઝ ડેટ પણ જાહેર કરવામાં આવી છે.
હૃતિક રોશન અને દીપિકા પાદુકોણની ફિલ્મ ‘ફાઇટર’ 25 જાન્યુઆરી 2024ના રોજ રિલીઝ થશે. આ પોસ્ટર પર કોમેન્ટ કરીને યુઝર્સ આ સીનને હોલીવુડની ફિલ્મ સાથે સરખાવી રહ્યા છે.હૃતિક રોશન સિવાય અભિનેત્રી દીપિકા પાદુકોણ પણ ફિલ્મ ‘ફાઈટર’માં લીડ રોલમાં જોવા મળશે. ‘પઠાણ’ના દિગ્દર્શક સિદ્ધાર્થ આનંદ દ્વારા નિર્દેશિત ફિલ્મ ‘ફાઇટર’માં અભિનેતા અનિલ કપૂર અને કરણ સિંહ ગ્રોવર પણ મુખ્ય ભૂમિકામાં છે.
