નવી દિલ્હી, 12 ઓક્ટોબર 2026: ન્યુઝીલેન્ડે ભારત સામેની વન-ડે શ્રેણી માટે પોતાની ટીમની જાહેરાત કરી છે. ટીમ દ્વારા છેલ્લી બે વન-ડે મેચો માટે અલગ ખેલાડીઓની પસંદગી કરવામાં આવી છે, જ્યારે ડેવોન કોનવે અને જેકબ ડફી જેવા મુખ્ય ખેલાડીઓ છેલ્લી બે મેચોમાં રમશે નહીં. ભારત અને ન્યુઝીલેન્ડ વચ્ચે પાંચ મેચોની વન-ડે શ્રેણી 4 નવેમ્બરથી 15 નવેમ્બર દરમિયાન રમાનાર છે. અનુભવી ઝડપી બોલર લોકી ફર્ગ્યુસન ત્રણ વર્ષ બાદ વન-ડે ટીમમાં પરત ફર્યો છે.
મિશેલ સેન્ટનર ટીમનું નેતૃત્વ કરશે. દરમિયાન, લાંબા સમયના અંતરાલ બાદ ફિન એલન અને લોકી ફર્ગ્યુસન વન-ડે ટીમમાં પરત ફર્યા છે; તેઓ છેલ્લે 2023માં કિવી ટીમ માટે વન-ડે મેચ રમ્યા હતા. આ ઉપરાંત, ટિમ સીફર્ટે પણ છેલ્લા 18 મહિનામાં કોઈ 50-ઓવરની મેચ રમી નથી; તેઓ છેલ્લે એપ્રિલ 2025માં પાકિસ્તાન સામે રમતા જોવા મળ્યા હતા. સીફર્ટની પસંદગી ચોથી અને પાંચમી વન-ડે મેચ માટે કિવી ટીમમાં કરવામાં આવી છે.
ઈજાને કારણે રચિન રવિન્દ્ર T20 શ્રેણીનો ભાગ નથી. તેને ODI શ્રેણીની પ્રથમ ત્રણ મેચો માટેની ટીમમાં સામેલ કરવામાં આવ્યો છે. ઝેક ફોલ્ક્સ, વિલિયમ ઓ’રૂર્ક અને બેન સિયર્સ ઈજામાંથી સાજા થઈ રહ્યા છે, તેથી તેમની ટીમમાં પસંદગી કરવામાં આવી નથી.
ન્યૂઝીલેન્ડની ટીમ (પ્રથમ 3 વન-ડે): મિશેલ સેન્ટનર (કેપ્ટન), માઈકલ બ્રેસવેલ, માર્ક ચેપમેન, ડેવોન કોનવે, જેકબ ડફી, મેટ હેનરી, કાયલ જેમિસન, ટોમ લેથમ (વિકેટકીપર), ડેરીલ મિશેલ, ગ્લેન ફિલિપ્સ, રચિન રવિન્દ્ર, નાથન સ્મિથ, વિલ યંગ, બ્લેર ટિકનર.
ન્યૂઝીલેન્ડની ટીમ (છેલ્લી 2 વન-ડે): મિશેલ સેન્ટનર (કેપ્ટન), ફિન એલન, માઈકલ બ્રેસવેલ, માર્ક ચેપમેન, ક્રિશ્ચિયન ક્લાર્ક, જેકબ ડફી, મેટ ફિશર, લોકી ફર્ગ્યુસન, મિચ હે (વિકેટકીપર), નિક કેલી, ટિમ સીફર્ટ (વિકેટકીપર), બ્લેર ટિકનર, વિલ યંગ.
ભારત-ન્યૂઝીલેન્ડ વન-ડે શેડ્યુલ
ભારતીય ટીમનો ન્યુઝીલેન્ડ પ્રવાસ 22 ઓક્ટોબરે પાંચ મેચની T20 શ્રેણી સાથે શરૂ થશે. T20 શ્રેણી 1 નવેમ્બરે સમાપ્ત થશે. તેના ત્રણ દિવસ બાદ, 4 નવેમ્બરે ODI શ્રેણી શરૂ થશે.
4 નવેમ્બર – પ્રથમ વન-ડે
7 નવેમ્બર – બીજી વન-ડે
10 નવેમ્બર – ત્રીજી વન-ડે
13 નવેમ્બર – ચોથી વન-ડે
15 નવેમ્બર – પાંચમી વન-ડે
