ભાજપના “નમો એપ”માં “કમલ પુષ્પ” ફીચરમાં સિનિયર નેતાઓનો પ્રેરણાદાયી જીવનચરિત્રનો સંગ્રહ

દિલ્હીઃ ભારતીય જનતા પાર્ટી (BJP) એ ‘ કમલ પુષ્પ’ નામની નમો એપમાં રજૂ કરાયેલા નવા ‘ફીચર’ને અપગ્રેડ કરવા માટે રાષ્ટ્રવ્યાપી કાર્યક્રમ શરૂ કર્યો છે. ભારતીય જનસંઘ અને ભાજપના ભૂતકાળના દસ્તાવેજીકરણ દ્વારા પક્ષના નેતાઓ અને કાર્યકરોની કેટલીક પેઢીઓના જીવનચરિત્ર, યોગદાન અને યોગદાનનું સંકલન, આયોજન અને પ્રસાર કરવાનો છે.

ભાજપ દ્વારા જણાવ્યા અનુસાર, ‘કમલ પુષ્પ’ એ ટેક્નોલોજી અને પરંપરાનું મિશ્રણ છે, મોબાઈલ એપ્સ જેવી અદ્યતન ટેક્નોલોજીનો ઉપયોગ કરીને લોકો પાર્ટીના ઈતિહાસ સાથે સંબંધિત ફોટા, વીડિયો, અખબારની કટિંગ્સ, લિંક્સ અપલોડ કરે છે અને લેખ પણ લખી શકે છે.નોંધનીય છે કે વડા પ્રધાન નરેન્દ્ર મોદીએ તાજેતરમાં જ પાર્ટીની રાષ્ટ્રીય કાર્યકારિણીની બેઠકમાં ‘નમો એપ’ના નવા મોડ્યુલ ‘કમલ પુષ્પ’નું ઉદ્ઘાટન કર્યું હતું.

જનસંઘ અને ભાજપની પેઢીઓએ આપેલા બલિદાન વિશે લાગણીસભર ભાષણ આપ્યું, જેમના અથાક પ્રયાસોથી પક્ષની રચના થઈ. તેમણે લોકોને ભૂતકાળના પ્રેરણાદાયી કાર્યકરોના જીવન અને સમયના દસ્તાવેજીકરણ માટે કમલ પુષ્પના મોડ્યુલનો ઉપયોગ કરવા માટે આહ્વાન કર્યું હતું. તેમણે અપીલ કરી હતી કે કાર્યકરોએ આ માટે સમય કાઢવો જોઈએ અને તે કાર્યકરોના પ્રેરણાદાયી જીવનચરિત્રનો સંગ્રહ કરવો જોઈએ.