Homeગુજરાતીખોરાકવધેલા પાસ્તા ફેંકવાને બદલે બનાવો ક્રિસ્પી પાસ્તા કટલેટ, બાળકોના ટિફિન માટે બેસ્ટ...

વધેલા પાસ્તા ફેંકવાને બદલે બનાવો ક્રિસ્પી પાસ્તા કટલેટ, બાળકોના ટિફિન માટે બેસ્ટ અને ટેસ્ટી રેસીપી

અવારનવાર એવું બને છે કે સાંજે કે ટિફિન માટે બનાવેલા પાસ્તા વધી જાય છે. જ્યારે આવું થાય ત્યારે ગૃહિણીઓને મૂંઝવણ થાય છે કે આ પાસ્તાનું શું કરવું, કારણ કે બાળકો ફરી એ જ જૂના પાસ્તા ખાવા માટે આનાકાની કરે છે. જો તમારી સાથે પણ આવું થતું હોય, તો હવે ચિંતા છોડો! આ વધેલા પાસ્તામાંથી તમે બનાવી શકો છો એકદમ યુનિક અને ક્રિસ્પી ‘પાસ્તા કટલેટ’. આ વાનગી બહારથી કકરિયું અને અંદરથી સોફ્ટ હોય છે. ખાસ વાત એ છે કે તે ખૂબ જ ઝડપથી બની જાય છે અને બાળકોથી લઈને મોટા દરેકને ભાવે છે. તેને તમે સાંજના નાસ્તામાં કે બાળકોના ટિફિનમાં પણ આપી શકો છો. ચાલો જાણીએ આ મજેદાર રેસીપી વિશે.

  • પાસ્તા કટલેટ બનાવવા માટેની સામગ્રી

વધેલા પાસ્તા: 1 કપ (બાફેલા)

બટાકા: 2 (બાફેલા)

શાકભાજી: 2 ચમચી સમારેલી શિમલા મરચું, 2 ચમચી છીણેલું ગાજર, 2 ચમચી સ્વીટ કોર્ન

મસાલા: 1 લીલું મરચું (સમારેલું), 1 ચમચી ચીલી ફ્લેક્સ, અડધી ચમચી મરી પાવડર, સ્વાદ મુજબ મીઠું

બાઈન્ડિંગ: 2 મોટી ચમચી બ્રેડ ક્રમ્બ્સ

અન્ય: કોથમી અને તળવા માટે તેલ

  • બનાવવાની સરળ રીત

સૌ પ્રથમ એક મોટા બાઉલમાં બાફેલા બટાકાને બરાબર મેશ કરી લો. હવે તેમાં વધેલા પાસ્તા ઉમેરો. જો પાસ્તા મોટા હોય તો તેને વચ્ચેથી કાપીને થોડા નાના કરી લો જેથી કટલેટ વાળવામાં સરળતા રહે. આ મિશ્રણમાં ઝીણી સમારેલી શિમલા મરચું, ગાજર, સ્વીટ કોર્ન, લીલા મરચાં અને ધાણા ઉમેરો. ત્યારબાદ તેમાં મીઠું, મરી પાવડર અને ચીલી ફ્લેક્સ નાખી બધી જ સામગ્રીને બરાબર મિક્સ કરી લો. કટલેટને સરખો આકાર આપવા અને બાઈન્ડિંગ માટે તેમાં બ્રેડ ક્રમ્બ્સ ઉમેરો. જો મિશ્રણ વધારે પડતું નરમ લાગે તો થોડા વધુ બ્રેડ ક્રમ્બ્સ નાખી શકાય.

હવે હથેળીની મદદથી તેમાંથી નાના ગોળ અથવા ઓવલ આકારના કટલેટ તૈયાર કરી લો. એક પેનમાં તેલ ગરમ કરો અને મધ્યમ આંચ પર કટલેટને શેલો ફ્રાય કરો. કટલેટને બંને બાજુથી ત્યાં સુધી શેકો જ્યાં સુધી તે ગોલ્ડન બ્રાઉન અને ક્રિસ્પી ન થઈ જાય. ગરમાગરમ પાસ્તા કટલેટને ટોમેટો કેચઅપ, મેયોનીઝ કે ગ્રીન ચટણી સાથે સર્વ કરો. તમે આ કટલેટને બર્ગર કે રોલની વચ્ચે ફિલિંગ તરીકે પણ વાપરી શકો છો.

આ પણ વાંચોઃ કચ્છના ભીમાસર ગામની સીમમાં બે એકરમાં પોષના ડોડા અને અફિણનું વાવેતર પકડાયું

spot_img
spot_img
સંબંધિત લેખો
spot_img
spot_img

Most Popular

spot_img