અભિનેત્રી દિવ્યા દત્તાનો આજે જન્મદિવસ,ફિલ્મ ‘વીરગતિ’ થી મળી ઓળખ

• અભિનેત્રી દિવ્યા દત્તાનો જન્મદિવસ
• મોડલથી બની હતી એક્ટ્રેસ
• સલમાન ખાનની ફિલ્મથી મળી ઓળખ

મુંબઈ : બોલિવૂડમાં કેટલાક સ્ટાર્સ એવા છે જે શાનદાર કલાકાર છે સુપરસ્ટાર્સ પણ તેમનું સન્માન કરે છે.એવી ઘણી અભિનેત્રીઓ છે જેમણે તેમના અભિનયમાં તેમની યોગ્યતા સાબિત કરી છે.ભલે તેણે મોટા ભાગની સહાયક ભૂમિકાઓ કરી હોય, પરંતુ તેના મજબૂત અભિનયને કારણે તેને લોકપ્રિયતા અને લોકોનો પ્રેમ પણ મળ્યો. આવી જ એક અભિનેત્રી છે દિવ્યા દત્તા, જેને લોકો ખૂબ પસંદ કરે છે. આજે દિવ્યાનો જન્મદિવસ છે. 25 સપ્ટેમ્બરના રોજ જન્મેલી અભિનેત્રી આજે પોતાનો 44 મો જન્મદિવસ ઉજવી રહી છે

વીરગતિથી મળી ઓળખ

તેણે વીર ઝારા, દિલ્હી 6, ભાગ મિલ્ખા ભાગ સહિત ઘણી ફિલ્મોમાં કામ કર્યું છે અને પોતાની ઓળખ બનાવી છે. દિવ્યા દત્તાએ પોતાની કારકિર્દીની શરૂઆત મોડલિંગથી કરી હતી. તેમને તેમની પ્રથમ હિન્દી ફિલ્મ ‘ઇશ્ક મેં જીના ઇશ્ક મેં મરના’ (1994) મળી.પરંતુ દિવ્યાને સલમાન ખાનની ફિલ્મ ‘વીરગતિ’ થી ઓળખ મળી.

ઘણી ભાષાની ફિલ્મોમાં કામ કરે છે

હિન્દી ઉપરાંત દિવ્યાએ પોતાની કારકિર્દીમાં પંજાબી, તમિલ, મલયાલમ, ઉર્દૂ અને અંગ્રેજી ભાષામાં કામ કર્યું છે. આ સિવાય તેણે ઘણી પ્રખ્યાત ટીવી સિરિયલોમાં પણ કામ કર્યું છે.તો, ફિલ્મ ‘કસૂર’માં લિસા રેના પાત્ર માટે ડબિંગ પણ કર્યું છે. તેમની પસંદગીની ફિલ્મો ‘દિલ્હી -6’, ‘વીર-ઝારા’, ‘સુર’ અને ‘વેલકમ ટુ સજ્જનપુર’ છે.