- નેશનલ વોટર એવોર્ડની જાહેરાત
- બેસ્ટ સ્ટેટ કેટેગરીમાં ઉત્તર પ્રદેશ પ્રથમ ક્રમે
- જાણો વધુ કયા રાજ્યો છે સામેલ
લખનઉ:જલશક્તિ મંત્રાલય તરફથી શુક્રવારે ત્રીજા રાષ્ટ્રીય જળ પુરસ્કાર-2020માં ઉત્તર પ્રદેશે પોતાનો ધ્વજ લહેરાવ્યો છે. રાજ્યએ સૌથી વધુ એવોર્ડ જીત્યા છે.કેન્દ્રીય જલ શક્તિ મંત્રી ગજેન્દ્ર સિંહ શેખાવતે શુક્રવારે પુરસ્કારોની જાહેરાત કરી છે.બેસ્ટ સ્ટેટ કેટેગરીમાં ઉત્તર પ્રદેશને પ્રથમ સ્થાન મળ્યું છે.તે પછી રાજસ્થાન બીજા અને તમિલનાડુ ત્રીજા સ્થાને છે.
મંત્રાલય વિવિધ કેટેગરીમાં 57 પુરસ્કારો આપે છે. વર્ષ 2020 માટેના પુરસ્કારોની જાહેરાત કરતા જલ શક્તિ મંત્રી ગજેન્દ્ર સિંહ શેખાવતે જણાવ્યું હતું કે, દેશને કૃષિ, સિંચાઈ, ઔદ્યોગિક અને ઘરેલું જરૂરિયાતો માટે વાર્ષિક 1000 બિલિયન ક્યુબિક મીટર પાણીની જરૂર છે, પરંતુ ઉપલબ્ધતા ઘટી રહી છે.આવી સ્થિતિમાં આપણે અસરકારક પગલાં ભરવા પડશે. શ્રેષ્ઠ ગામોની શ્રેણીમાં ઉત્તરાખંડના ધનસ પાલ પ્રથમ સ્થાને છે. પૂર્વમાં બિહારના તિલારી અને પશ્ચિમમાં ગુજરાતના તખ્તગઢ અને ઉત્તરપૂર્વમાં મિઝોરમના સિલ્ચર સરચિપને પ્રથમ સ્થાન મળ્યું છે. જ્યારે ગામડાઓની કેટેગરીમાં વારાણસીના બલુઆ ગામને ત્રીજા સ્થાન માટે પસંદ કરવામાં આવ્યું છે.શાળાઓની યાદીમાં એમિટી સ્કૂલ નોઈડાએ સંયુક્ત રીતે ત્રીજું સ્થાન મેળવ્યું છે, જ્યારે ધરમપાલ સત્યપાલ લિમિટેડ નોઈડાને સામાજિક કાર્યની શ્રેણીમાં સંયુક્ત રીતે વિજેતા જાહેર કરવામાં આવી છે.
આ સિવાય પશ્ચિમ બંગાળને પાણીના કાર્યક્ષમ ઉપયોગ માટે ત્રણેય કેટેગરીમાં એવોર્ડ મળ્યા છે. રાજ્યની ITC લિમિટેડે આ શ્રેણીમાં પ્રથમ ઇનામ મેળવ્યું છે. આટલું જ નહીં, પશ્ચિમ બંગાળ ITC લિમિટેડ કોલકાતાએ પણ ઔદ્યોગિક ગૃહો દ્વારા જળ સંરક્ષણ માટે કરવામાં આવી રહેલા કાર્યમાં જીત મેળવી છે. માતા વૈષ્ણોદેવી શ્રાઈન બોર્ડને સતત બીજા વર્ષે જળ સંરક્ષણ અને પાણીના આર્થિક ઉપયોગ માટે પુરસ્કાર આપવામાં આવ્યો છે.2018 આ પુરસ્કારો શરૂ કરવામાં આવ્યા હતા.
રાષ્ટ્રીય પુરસ્કારોનો ધ્યેય દેશમાં જળ સંરક્ષણ ક્ષેત્રે કામ કરતી સંસ્થાઓ અને દેશની શ્રેષ્ઠ જળ સંસાધન વ્યવસ્થાપન પદ્ધતિઓ અને જળ સંરક્ષણના નીતિ નિયમનકાર અને તેની સાથે સંકળાયેલી સંસ્થાઓને વધુ સારી તકો અને માન્યતા પ્રદાન કરવાનો છે.વ્યક્તિઓ અને મેનેજમેન્ટના ક્ષેત્રમાં કામ કરતી સંસ્થાઓને પ્રોત્સાહિત કરવામાં આવે છે. આ પુરસ્કારોની માન્યતામાં, જળ સંસાધન, નદી વિકાસ, ગંગા કાયાકલ્પ વિભાગ, જલ શક્તિ મંત્રાલય, રાજ્ય સંસ્થાઓ અને વ્યક્તિગત સંસ્થાઓ સહિત 11 વિવિધ શ્રેણીઓમાં દર વર્ષે 57 પુરસ્કારો આપવામાં આવે છે.
