ટ્વિટર કંપનીમાંથી વધુ એક રાજીનામું,એડ સેલ્સ ચીફ સારા પર્સનેટે આપ્યું રાજીનામું
દિલ્હી:ટેસ્લાના સીઈઓ એલન મસ્ક ટ્વિટરના નવા માલિક બન્યા પછી કંપનીમાં ઉથલપાથલ થઈ ગઈ છે. હવે ટ્વિટરના એડવર્ટાઇઝિંગ અને સેલ્સ વિભાગના વડા સારા પર્સનેટે પણ કંપની સાથેના સંબંધો તોડી નાખ્યા છે.મંગળવારે સારાએ ટ્વીટ કર્યું હતું કે,તેણે ગયા અઠવાડિયે જ રાજીનામું આપ્યું હતું.
સારાએ પોતાના રાજીનામાનું કારણ પણ જણાવ્યું છે. તેમણે કહ્યું કે જ્યારથી એલન મસ્ક માઇક્રોબ્લોગિંગ સાઈટ ટ્વિટરના નવા માલિક બન્યા છે ત્યારથી જાહેરાતકર્તાઓમાં અનિશ્ચિતતા વધી ગઈ છે.તે સમજી શકતા નથી કે કંપનીમાં હવે શું ફેરફાર થઈ શકે છે.
એલન મસ્કે ટ્વિટરની બાગડોર સંભાળ્યા બાદ ટ્વિટરના સીઈઓ પરાગ અગ્રવાલ, સીએફઓ નેડ સેગલ અને લીગલ અફેયર-પોલીસી હેડ વિજયા ગડ્ડેને કંપનીમાંથી હટાવી દેવામાં આવ્યા હતા. મસ્કના આ નિર્ણય બાદ જ સારાએ પણ કંપની છોડવાનો નિર્ણય લીધો હતો. સારા ટ્વિટર પર ચીફ કસ્ટમર ઓફિસર પણ હતી.
એલન મસ્કે 28 ઓક્ટોબરે ટ્વિટરની કમાન સંભાળી હતી.આ પછી તેણે એક પછી એક ઘણા મોટા નિર્ણયો લીધા છે.31 ઓક્ટોબરે તેમણે કંપનીના તમામ બોર્ડ ડિરેક્ટર્સને હટાવી દીધા હતા.આ પછી હવે મસ્ક કંપનીના એકમાત્ર ડિરેક્ટર બની ગયા છે.
અહેવાલ મુજબ, મસ્ક દ્વારા જે નિર્દેશકોને હટાવવામાં આવ્યા હતા તેમાં માર્થા લેન ફોક્સ, ઓમિડ કોર્ડેસ્ટાની, ડેવિડ રોસેનબ્લેટ, પેટ્રિક પિચેટ, એગોન ડરબન, ફી-ફી લી અને મીમી અલેમેયહોનો સમાવેશ થાય છે.
