તમે પહેલાથી જ જાણો છો કે એરંડાનું તેલ ત્વચા અને વાળ માટે કેટલું ફાયદાકારક છે; તેમાં રહેલા ગુણ તમારા હોઠને કોમળ બનાવવામાં પણ મદદ કરે છે. ઓમેગા-6, ઓમેગા-9 જેવી હેલ્ધી ફેટ્સ એરંડાના તેલમાં જોવા મળે છે. આ પોષક તત્વો ત્વચા અને સ્વાસ્થ્ય તેમજ હોઠ માટે અત્યંત ફાયદાકારક છે. જો તમે દરરોજ તમારા હોઠ પર આ તેલની માલિશ કરશો તો તે કુદરતી રીતે ગુલાબી અને નરમ થઈ જશે. તો ચાલો આજે અમે તમને જણાવીએ કે તમે તેનો ઉપયોગ હોઠ પર કેવી રીતે કરી શકો છો.
હોઠ પર એરંડાનું તેલ કેવી રીતે લગાવવું?
હોઠને સ્વસ્થ રાખવા માટે તમે આ તેલને સીધા હોઠ પર લગાવી શકો છો. એરંડા તેલના 1-2 ટીપાં લો. આ પછી તેને હોઠ પર લગાવો અને થોડીવાર મસાજ કરો. થોડી વાર તેલ ને આમ જ રહેવા દો. દરરોજ ઘરની બહાર નીકળતા પહેલા અને રાત્રે સૂતા પહેલા તેની માલિશ કરો. હોઠ મુલાયમ થવા લાગશે.
એરંડાનો બનેલો મલમ પણ રહેશે બેસ્ટ
જો તમે ઈચ્છો તો એરંડાના તેલથી બનેલો મલમ પણ હોઠ પર લગાવી શકો છો. તેને ઘરે બનાવવા માટે સૌપ્રથમ પેનમાં શિયા બટરનો નાનો ટુકડો નાખો. આ પછી, તેને ગરમ કરો અને પીગાળી લો. ગેસ બંધ કરો અને તેમાં 1 ચમચી દિવેલ, અન્ય કોઈપણ તેલ અને મધ ઉમેરો. બધી વસ્તુઓ મિક્સ કરો. તૈયાર છે તમારું લિપ બામ. હોઠ પર નિયમિત રીતે લગાવવાથી તે કુદરતી રીતે ગુલાબી બની જશે.
હોઠ પર એરંડાનું તેલ લગાવવાના અન્ય ફાયદા
હોઠ પર એરંડાનું તેલ લગાવવાથી પિગમેન્ટેશન પણ દૂર થાય છે.
હોઠની ડેડ સ્કિન મટી જાય છે.
હોઠની ડ્રાયનેસ દૂર કરવા માટે પણ આ તેલ ખૂબ જ ફાયદાકારક માનવામાં આવે છે.
કાળા હોઠ માટે એરંડાનું તેલ પણ ખૂબ જ ફાયદાકારક માનવામાં આવે છે.
તેને નિયમિત રીતે હોઠ પર લગાવવાથી હોઠ ગુલાબી બને છે.
