ચંદ્ર પર ચંદ્રયાન – 3 ના લેન્ડીંગની પ્રક્રિયા અંતિમ તબક્કામાં, ઈસરોએ ટવીટ કરીને ચંદ્રની સપાટીનો ફોટો જાહેર કર્યા

શ્રીહરિકોટા: ચંદ્રની ફાર સાઈડ એટલે કે તે ભાગની તસ્વીર જાહેર કરવામાં આવી છે,જે ક્યારેય પૃથ્વી તરફ નહીં દેખાતો..આ તસવીરો ઈસરોએ જાહેર કરી છે. ઈસરોએ ટ્વિટ કરીને ચંદ્રના તે ભાગની તસવીરો બતાવી છે, જેને આપણે ક્યારેય નરી આંખે જોઈ શકતા નથી.

આ તસવીરો ચંદ્રયાન-3ના વિક્રમ લેન્ડરમાં સ્થાપિત લેન્ડર હેઝાર્ડ ડિટેક્શન એન્ડ એવોઈડન્સ કેમેરા (LHDAC) દ્વારા લેવામાં આવી છે. ચાર તસવીરોમાં અલગ-અલગ જગ્યાએ ખાડાઓની તસવીરો છે. કેટલાક ખાડાઓ ખૂબ જ ભયંકર દેખાઈ રહ્યા છે. ખાડાટેકરાવાળું છે. તો ક્યાંક લાંબુ મેદાન દેખાય છે.

LHDAC કૅમેરા ખાસ કરીને ચંદ્રની સપાટી પર વિક્રમ લેન્ડરને સુરક્ષિત રીતે કેવી રીતે લેન્ડ કરી શકાય તે હેતુથી બનાવવામાં આવ્યો છે. તેને ઈસરોના સ્પેસ એપ્લિકેશન સેન્ટર (SAC), અમદાવાદ દ્વારા બનાવવામાં આવ્યું છે. કેટલાક અન્ય પેલોડ્સ પણ આ કેમેરા સાથે કામ કરશે.

પેલોડ્સ કે જે લેન્ડિંગ દરમિયાન LHDAC ને મદદ કરશે તે છે લેન્ડર પોઝિશન ડિટેક્શન કેમેરા (LPDC), લેસર અલ્ટિમીટર (LASA), લેસર ડોપ્લર વેલોસિટીમીટર (LDV) અને લેન્ડર હોરિઝોન્ટલ વેલોસિટી કેમેરા (LHVC). જેથી લેન્ડરને સુરક્ષિત સપાટી પર લેન્ડ કરી શકાય.

જ્યારે વિક્રમ લેન્ડર ચંદ્રની સપાટી પર ઉતરશે ત્યારે તેની ઝડપ 2 મીટર પ્રતિ સેકન્ડની આસપાસ હશે. પરંતુ આડી ગતિ 0.5 મીટર પ્રતિ સેકન્ડ હશે. વિક્રમ લેન્ડર 12 ડિગ્રીના ઢાળ પર ઉતરી શકે છે. આ તમામ સાધનો વિક્રમ લેન્ડરને આ ગતિ, દિશા અને સપાટ જમીન શોધવામાં મદદ કરશે. આ તમામ સાધનો લેન્ડિંગના લગભગ 500 મીટર પહેલા એક્ટિવેટ થઈ જશે.

Chandrayaan-3 Mission:

Here are the images of
Lunar far side area
captured by the
Lander Hazard Detection and Avoidance Camera (LHDAC).

This camera that assists in locating a safe landing area — without boulders or deep trenches — during the descent is developed by ISRO… pic.twitter.com/rwWhrNFhHB

— ISRO (@isro) August 21, 2023

આ પછી વિક્રમ લેન્ડરમાં ફીટ કરાયેલા ચાર પેલોડ કામ કરવાનું શરૂ કરશે. આ રંભા છે (RAMBHA). તે ચંદ્રની સપાટી પર સૂર્યમાંથી આવતા પ્લાઝ્મા કણોની ઘનતા, જથ્થા અને વિવિધતાની તપાસ કરશે. ChaSTE, તે ચંદ્રની સપાટીની ગરમી એટલે કે તાપમાનની તપાસ કરશે. ILSA, તે ઉતરાણ સ્થળની આસપાસ સિસ્મિક ગતિવિધિઓની તપાસ કરશે. લેસર રેટ્રોરેફ્લેક્ટર એરે (LRA), તે ચંદ્રની ગતિશીલતાને સમજવાનો પ્રયત્ન કરશે.