બોલિવૂડ એક્ટર,સિંગર અને મ્યુઝિક ડાયરેક્ટર હિમેશ રેશમિયાનો આજે જન્મદિવસ,તેના જન્મદિવસ પર જાણો તેની સાથે જોડાયેલી વાતો
- સિંગર હિમેશ રેશમિયાનો આજે જન્મદિવસ
- સલમાન ખાનની ફિલ્મથી કરી કરિયરની શરૂઆત
- તેના જન્મદિવસ પર જાણો તેની સાથે જોડાયેલી વાતો
મુંબઈ:બોલિવૂડ એક્ટર,સિંગર અને મ્યુઝિક ડાયરેક્ટર હિમેશ રેશમિયાનો આજે જન્મદિવસ છે.હિમેશ રેશમિયા પોતાનો 49મો જન્મદિવસ ઉજવી રહ્યો છે.હિમેશ રેશમિયાનો જન્મ 23 જુલાઈ 1973ના રોજ ગુજરાતમાં થયો હતો.ઘણા લોકો બોલિવૂડ સિંગર હિમેશ રેશમિયાની મજાક ઉડાવતા હતા કારણ કે તે એક એવા સિંગર છે જે નાકથી ગાય છે.જો કે આ કારણોસર હિમેશ રેશમિયાને ઘણા એવોર્ડ મળ્યા છે. હિમેશ રેશમિયાએ સિંગર-મ્યુઝિક ડિરેક્ટર હોવાની સાથે સાથે ઘણા ટીવી રિયાલિટી શોને જજ કર્યા છે. આજે તેમના જન્મદિવસ પર જાણો તેમની સાથે જોડાયેલી રસપ્રદ વાતો
બોલિવૂડ સ્ટાર સિંગર હિમેશ રેશમિયાએ સલમાન ખાનની ફિલ્મથી સંગીત કારકિર્દીની શરૂઆત કરી હતી. સલમાન ખાનની આ ફિલ્મનું નામ હતું ‘પ્યાર કિયા તો ડરના ક્યા’. આ પછી હિમેશે મ્યુઝિક ડિરેક્ટર તરીકે પાછું વળીને જોયું નથી.તેણે ઘણી ફિલ્મોમાં ગાયું અને સંગીત આપ્યું. એટલું જ નહીં, હિમેશ રેશમિયાનું આલ્બમ ‘આપ કા સુરૂર’ ભારતીય સંગીત ઉદ્યોગના ઈતિહાસમાં અત્યાર સુધીનું સૌથી વધુ વેચાતું આલ્બમ છે.ખાસ વાત એ છે કે ‘આપ કા સુરૂર’ હિમેશ રેશમિયાનું પહેલું મ્યુઝિક આલ્બમ હતું. આ આલ્બમ હિટ થયા પછી હિમેશને નામ અને ખ્યાતિ બંને મળ્યા. તેમના દ્વારા ગાયેલા ‘આશિક બનાયા આપને’ અને ‘ઝલક દિખલા જા’ ગીતો આજે પણ લોકોની જીભ પર છે.
હિમેશ રેશમિયાએ માત્ર સંગીતમાં જ નહીં પરંતુ ફિલ્મોમાં અભિનયમાં પણ પોતાનું નસીબ અજમાવ્યું હતું.તેણે વર્ષ 2007માં ફિલ્મ ‘આપકા સુરૂર’થી પોતાના અભિનયની શરૂઆત કરી હતી.આ સિવાય તેણે કર્ઝ અને કજરારે જેવી ઘણી ફિલ્મોમાં કામ કર્યું. નોંધનીય છે કે,હિમેશ રેશમિયા એવા પહેલા કલાકાર છે જેમણે લંડનના વેમ્બલી સ્ટેડિયમમાં પોતાનું પરફોર્મન્સ આપ્યું છે.એટલું જ નહીં તેની ફિલ્મ કજરારેનું શૂટિંગ જોર્ડનના પેટ્રામાં થયું હતું. જે આ સ્થળે શૂટ થનારી પ્રથમ ભારતીય ફિલ્મ બની હતી.
હિમેશ રેશમિયાએ બોલિવૂડમાં એક થી એક સારા ગીતો ગાયા છે. આપકી ખાતિર, નામ હૈ તેરા, વીરાનિયા, આપકી કશિશ, કુછ તો સમજો ના જેવા તમામ ગીતોને તેના અવાજથી શણગાર્યા છે. તેમનું ગાયેલું ગીત યુન તેરા-મેરા મિલના આજે પણ લોકોની જીભ અને દિમાગમાં છે.હિમેશ સંગીતકાર હોવા ઉપરાંત ટીવી રિયાલિટી શોને જજ પણ કરે છે. હિમેશ રેશમિયા ‘સુપરસ્ટાર સિંગર 2’ અને સા રે ગા મા પા જેવા ઘણા મ્યુઝિક શોમાં જજ તરીકે જોવા મળ્યો છે.
