અમદાવાદઃ બોન્ડેડ તબીબો સામે પોલીસ ફરિયાદ નોંધાવવાની સરકારે તજવીજ હાથ ધરતા રોષે ભરાયેલા તબીબો ન્યાય મેળવવા માટે હાઈકોર્ટમાં પહોંચ્યા હતા આ અંગેની સામૂહિક રીટ પિટિશન હાઇકોર્ટમાં દાખલ કરવામાં આવતા અદાલતે તારીખ ૨૮ના રોજ આ અંગેની વધુ સુનાવણી રાખી છે.
સૂત્રોના જણાવ્યા મુજબ રાજ્ય સરકારે કુલ ૧૪૧૫ વર્ગ–૧ના સ્પેશિયાલિસ્ટ ડોકટર સામે પોલીસ ફરિયાદ કરવાનો આદેશ કર્યેા હતો સરકારની આ સૂચના સામે વ્યાપક વિરોધ ઉઠતા પોલીસ ફરિયાદની કાર્યવાહી મુલતવી રાખવામાં આવી હતી અને તમામ તબીબો ને નોટિસ પાઠવી સાત દિવસની સમયમર્યાદામાં સરકારમાં હાજર થઈ જવા માટે સુચના આપવામાં આવી હતી આથી તબીબો નો મોટો વર્ગ હાઈકોર્ટમાં ન્યાય મેળવવા પહોંચી ગયો હતો. અને હાઈ કોર્ટે આ મામલે થયેલી અલગ–અલગ પીટીશનોને એક કરીને સુનાવણી હાથ ધરવાનું નક્કી કયુ છે. હવે આ સમગ્ર પ્રકરણ સબજયુડીશ બની ગયું હોવાથી ગુજરાત સરકારના આરોગ્ય તબીબી સેવાઓ અને તબીબી શિક્ષણ વિભાગના ચીફ પર્સનલ ઓફિસરે રાજ્યના તમામ જિલ્લા કલેકટર આરોગ્ય અધિકારીઓ સહિતનાઓ ને તાકીદ નો પરિપત્ર પાઠવી તારીખ ૨૮ સુધી ડોકટરો સામે કોઈ પ્રકારની કાર્યવાહી ન કરવા અને તારીખ ૨૮ પછી જે કોઈ સૂચના સરકાર તરફથી આપવામાં આવશે એ મુજબ આગળ વધવા જણાવાયું છે. કોરોનાની સંભવિત ત્રીજી લહેર ની તૈયારી ના અનુસંધાને સરકાર એક તરફ બોન્ડેડ ડોકટરોને તાત્કાલિક ફરજ પર હાજર થવા આદેશ કરે છે તો બીજી બાજુ કોરોના ની બીજી લહેર દરમિયાન તજજ્ઞો, ડોકટરો,પેરામેડિકલ સ્ટાફ અને વર્ગ–૪ના કર્મચારીઓની જે ભરતી કરવામાં આવી હતી તે તમામને તાત્કાલિક છૂટા કરવાનો આદેશ સરકાર તરફથી આવી પડતા એ દિશામાં કાર્યવાહી શરૂ કરવામાં આવી છે. ગુજરાત સરકારના આરોગ્ય તબીબી સેવાઓ અને તબીબી શિક્ષણ વિભાગના ચીફ પર્સનલ ઓફિસર તરફથી કરાયેલા આદેશમાં જણાવાયા મુજબ આ તમામ સ્ટાફને તાત્કાલિક છૂટા કરવાના રહેશે
