ચંદ્રયાન-3: ચંદ્રની તસ્વીરો ઈસરોએ જાહેર કરી, તસ્વીરમાં ચંદ્રની સપાટી સ્પષ્ટ દેખાઈ
નવી દિલ્હીઃ ચંદ્ર ઉપર ચંદ્રયાન-3ના લેન્ડીંગની કરોડો ભારતીય આતુરતાથી રાહ જોઈ રહ્યાં છે. ભારત જ દુનિયાના વિવિધ દેશો પણ આ ઐતિહાસિક ઘટનાના સાક્ષી બનવા તૈયાર છે. બીજી તરફ ચંદ્રયાન મિશન ધીમે-ધીમે ચંદ્ર નજીક પહોંચી રહ્યું છે. દરમિયાન, ઈસરોએ શુક્રવારે ચંદ્રયાન દ્વારા કેપ્ચર કરાયેલો ચંદ્રના ફોટોગ્રાફનો એક વીડિયો જાહેર કર્યો, આ વીડિયોમાં જોઈ શકાય છે કે, આ તસવીરો ચંદ્રની ખૂબ નજીકથી લેવામાં આવી છે, આ તસવીરોમાં ચંદ્રની સપાટી સ્પષ્ટ દેખાઈ રહી છે. ચંદ્રયાન-3 આગામી 23મી ઓગસ્ટના રોજ ચંદ્રની સપાટી ઉપર ઉતરાયણ કરે તેવી આશા વ્યક્ત થઈ રહી છે.
ISROએ ટ્વીટ કર્યું કે ચંદ્રયાન-3ના લેન્ડર ઇમેજર (LI) કેમેરા-1 એ 17 ઓગસ્ટ, 2023ના રોજ ચંદ્રની તસવીરો કેપ્ચર કરી હતી, લેન્ડર મોડ્યુલને પ્રોપલ્શન મોડ્યુલથી અલગ કર્યા પછી. ચંદ્રયાન-3 23 ઓગસ્ટે ચંદ્રની સપાટી પર સોફ્ટ લેન્ડ થવાની ધારણા છે. તેને તા. 14 જુલાઈના રોજ લોન્ચ કરવામાં આવ્યું હતું.
Chandrayaan-3 Mission:
View from the Lander Imager (LI) Camera-1
on August 17, 2023
just after the separation of the Lander Module from the Propulsion Module #Chandrayaan_3 #Ch3 pic.twitter.com/abPIyEn1Ad— ISRO (@isro) August 18, 2023
ISROએ ટ્વીટ કર્યું કે, લેન્ડર મોડ્યુલ (LM) સારું પ્રદર્શન કરી રહ્યું છે અને LM એ સફળતાપૂર્વક ડીબૂસ્ટિંગ ઓપરેશન પાર પાડ્યું, તેની ભ્રમણકક્ષા 113 km x 157 km થઈ ગઈ. બીજી ડીબૂસ્ટિંગ કામગીરી 20 ઓગસ્ટ 2023 માટે સુનિશ્ચિત થયેલ છે. લેન્ડર ધીમી ગતિ કરીને આગળ વધશે. ચંદ્રયાન-3 મિશનના લેન્ડરનું નામ વિક્રમ સારાભાઈ (1919-1971)ના નામ પરથી રાખવામાં આવ્યું છે, જેને વ્યાપકપણે ભારતીય અવકાશ કાર્યક્રમના પિતા તરીકે ઓળખવામાં આવે છે.
