નવી દિલ્હીઃ સરકારી કોવિડ રસીકરણ કેન્દ્રો પર આજે 16મી માર્ચે રાષ્ટ્રીય રસીકરણ દિવસથી 12-14 વયજૂથના તમામ લાભાર્થીઓ માટે નિઃશુલ્ક કોવિડ-19 રસીકરણ શરૂ થશે. કોવિડ-19 રસી આપવામાં આવશે જે બાયોલોજિકલ ઈ. લિમિટેડ, હૈદરાબાદ દ્વારા ઉત્પાદિત કોર્બેવેક્સ હશે. આ ઓનલાઈન નોંધણી દ્વારા અથવા ઓનસાઈટ વોક-ઈન દ્વારા થઈ શકે છે. કેન્દ્રીય આરોગ્ય સચિવ રાજેશ ભૂષણ દ્વારા તમામ રાજ્યો અને કેન્દ્રશાસિત પ્રદેશો સાથે વીડિયો કોન્ફરન્સ (VC) દ્વારા બેઠકમાં આ વાતનો પુનરોચ્ચાર કર્યો હતો.
ભારતમાં કોરોનાની મહામારીને નાથવા માટે સરકાર દ્વારા રસીકરણ અભિયાન શરૂ કરવામાં આવ્યું હતું. અત્યાર સુધીમાં 150 કરોડથી વધારે ડોઝ આપવામાં આવ્યાં છે. આ ઉપરાંત 60 વર્ષથી વધુની ઉંમરના સિનિયર સિટીઝનો અને આરોગ્ય કર્મચારી-કોરોના વોરિયર્સ માટે બુસ્ટર ડોઝનો જાન્યુઆરીમાં પ્રારંભ કર્યો હતો. કોરોનાની ત્રીજી લહેરમાં મોટી સંખ્યામાં કોરોનાના પોઝિટિવ કેસ આવ્યાં હતા. જો કે, કોરોનાની બીજી લહેરની સરખામણીમાં મૃત્યુદર ઘટ્યો હતો. કોરોના રસીકરણને કારણે મૃત્યુ દરમાં ઘટાડો થયાનો દાવો કરવામાં આવી રહ્યો છે. હાલ સમગ્ર દેશમાં શૈક્ષણિક કાર્ય ફરીથી ચાલુ થયું છે. જેથી બાળકોને કોરોનાથી સુરક્ષિત જાન્યુઆરીમાં જ 15થી 18 વર્ષ સુધીના કિશોરોને કોરોનાની રસીથી સુરક્ષિત કરવામાં આવ્યાં છે.
રાજ્યોને સુનિશ્ચિત કરવાની સલાહ આપવામાં આવી હતી કે જેઓ રસીકરણની તારીખે 12 વર્ષની ઉંમરે પહોંચ્યા છે તેઓને જ કોવિડ-19 સામે રસી આપવામાં આવશે. 12-14 વર્ષની વય જૂથ માટે રસીનું મિશ્રણ ન થાય તેની ખાતરી કરવા માટે રસીકરણ કરનારાઓ અને રસીકરણ ટીમોને તાલીમ આપવાની જરૂર છે. રાજ્યોને અન્ય રસીઓ સાથે ભળવાનું ટાળવા માટે 12-14 વર્ષની વય-જૂથના રસીકરણ માટે નિર્ધારિત COVID-19 રસીકરણ કેન્દ્રો દ્વારા સમર્પિત રસીકરણ સત્રોનું આયોજન કરવાની સલાહ આપવામાં આવી હતી.
(PHOTO-FILE)
