- ‘ડાન્સ પ્લસ’ સિઝન 6 રિલીઝ માટે તૈયાર
- ડિઝની પ્લસ હોટસ્ટાર પર થશે રિલીઝ
- 14 સપ્ટેમ્બરે રિલીઝ થશે ડાન્સ પ્લસ સિઝન 6
મુંબઈ :લોકપ્રિય ડાન્સ રિયાલિટી શો ‘ડાન્સ પ્લસ’ની આગામી છઠ્ઠી સિઝન ડિઝની પ્લસ હોટસ્ટાર પર 14 સપ્ટેમ્બરે પ્રિમિયર થવાની છે. આ શો ટેલિવિઝન પહેલા OTT પ્લેટફોર્મ પર રિલીઝ થશે. ડિરેક્ટર-કોરિયોગ્રાફર રેમો ડિસુઝા સુપર જજ હશે જ્યારે રાઘવ જુયાલ ફરી એકવાર યજમાન તરીકે પરત ફરશે.
‘ડાન્સ પ્લસ સિઝન 6’ સાથે તેના પુનરાગમન વિશે વાત કરતા રેમોએ કહ્યું, “મને સૌથી મોટા ડાન્સ રિયાલિટી શો ડાન્સ પ્લસમાં સુપર જજ તરીકે પાછા ફરવાનો આનંદ છે. આ અવસર મને ડાન્સના મારા જ્ઞાનને શેર કરવાની તક આપે છે, કંઈક એવું કે જે હું કરી શકું છું. હું જાણું છું કે આ સિઝન શાનદાર પ્રદર્શનથી ભરેલી હશે કારણ કે શક્તિ, સલમાન અને પુનીત પોતે શાનદાર ડાન્સર છે. ”
રેમો ફરી એકવાર તેમના ત્રણ ડાન્સ કલાકારોને તેમની માર્ગદર્શન કુશળતા અને કેપ્ટનશિપ માટે જજ કરતા જોવા મળશે. આમાં સલમાન વાય ખાન, જે પ્રથમ વખત કેપ્ટનની ભૂમિકામાં ઉતરી રહ્યા છે, શક્તિ મોહન જે આ સિઝનમાં પરત ફરી રહી છે અને શો માં પરત ફરતા કેપ્ટન પુનીત જે પાઠકનો પણ સમાવેશ થાય છે.
‘ડાન્સ પ્લસ’ સિઝન 6 ડિઝની પ્લસ હોટસ્ટાર પર 14 સપ્ટેમ્બરે રિલીઝ થશે.
