ચેમ્પિયન્સ ટ્રોફીની ફાઇનલ મેચ ન્યુઝીલેન્ડ અને ભારત વચ્ચે રમાઈ હતી. આ મેચમાં ભારતે ન્યુઝીલેન્ડને 4 વિકેટે હરાવ્યું હતું. ભારતની આ જીતથી પાકિસ્તાનને ઊંડું નુકસાન થયું છે. આ કાર્યક્રમ માટે પાકિસ્તાને પાણીની જેમ પૈસા ખર્ચ્યા હતા. 29 વર્ષ પછી, ICC ટુર્નામેન્ટ પાકિસ્તાનમાં યોજાઈ, પરંતુ ભારતે ત્યાં રમવાનો ઇનકાર કર્યો. આ પછી બધી મેચ દુબઈમાં યોજાઈ હતી અને તેના કારણે પાકિસ્તાનને મોટું આર્થિક નુકસાન થયું છે. એક અંદાજ અનુસાર પાકિસ્તાનને લગભગ 195 કરોડનું નુકસાન થયું છે.
ચેમ્પિયન્સ ટ્રોફીની શરૂઆતમાં પણ ભારતે પાકિસ્તાનમાં રમવાનો ઇનકાર કરી દીધો હતો. હકીકતમાં, ભારતીય ટીમના ચાહકો દુનિયાભરમાં ફેલાયેલા છે, તેથી જ્યારે ચાહકો મેચ દરમિયાન સ્ટેડિયમ પહોંચે છે, ત્યારે સારી એવી આવક થાય છે. આવકને કારણે, તે દેશની અર્થવ્યવસ્થા પણ વધે છે. પાકિસ્તાને મોટી રકમ ખર્ચીને ટુર્નામેન્ટનું આયોજન કર્યું હતું, પરંતુ ભારતના ઇનકારને કારણે પાકિસ્તાનની હાલત ખરાબ થઈ હતી. બીજી તરફ બાકીની પરિસ્થિતિ પાકિસ્તાને જ વધુ ખરાબ કરી હતી. લીગ મેચોમાં જ હાર બાદ પાકિસ્તાની ટીમ ટુર્નામેન્ટમાંથી બહાર થઈ ગઈ હતી. આવી સ્થિતિમાં, ઓછા દર્શકો આવ્યા અને બધી ટિકિટો વેચાઈ શકી નહીં, જેના કારણે પાકિસ્તાનને નુકસાન થયું છે.
ખરેખર તો પાકિસ્તાનમાં આતંકનો પડછાયો છે. આ કારણે, ત્યાં કોઈ મેચ થતી નથી. છેલ્લી IIC ટુર્નામેન્ટ 1996 માં યોજાઈ હતી. જે બાદ કોઈ મોટી ટૂર્નામેન્ટ રમાઈ ન હતી. જો કે, વર્ષોના અંતરાલ બાદ ચેમ્પિયન્સ ટ્રોફીનું પજમાન પદ પાકિસ્તાનને મળ્યું હતું. આ માટે રાવલપિંડી, કરાચી અને લાહોરના સ્ટેડિયમોને અપગ્રેડ કરવામાં આવ્યા હતા. સુરક્ષા વ્યવસ્થા પણ કડક હતી. આ માટે પાકિસ્તાને લગભગ 64 મિલિયન ડોલર એટલે કે લગભગ 558 કરોડ રૂપિયા ખર્ચ કર્યા હતા.
પાકિસ્તાનને ICC તરફથી હોસ્ટિંગ ફી તરીકે 52 કરોડ રૂપિયા એટલે કે 6 મિલિયન ડોલર મળશે. કારણ કે પાકિસ્તાને ટિકિટ વેચાણથી વધારે કમાણી કરી નથી. વિદેશી દર્શકો પણ ઓછી સંખ્યામાં પાકિસ્તાન પહોંચ્યા અને તેના કારણે ટુર્નામેન્ટ પાકિસ્તાન દ્વારા ખર્ચવામાં આવેલા પૈસા જેટલી કમાણી કરી શકી નહીં. આના કારણે પાકિસ્તાનને લગભગ 195 કરોડ રૂપિયાનું નુકસાન થયું છે.
