1. Home
  2. ગુજરાતી
  3. સતત બીજી વાર ડિસઈન્વેસ્ટમેન્ટ લક્ષ્યથી વધુ કમાણી, ખજાનામાં આવ્યા 85 હજાર કરોડ રૂપિયા
સતત બીજી વાર ડિસઈન્વેસ્ટમેન્ટ લક્ષ્યથી વધુ કમાણી, ખજાનામાં આવ્યા 85 હજાર કરોડ રૂપિયા

સતત બીજી વાર ડિસઈન્વેસ્ટમેન્ટ લક્ષ્યથી વધુ કમાણી, ખજાનામાં આવ્યા 85 હજાર કરોડ રૂપિયા

0

શુક્રવારે નાણાં પ્રધાન અરુણ જેટલીએ કહ્યુ છે કે સરકાર નાણાંકીય વર્ષ 2018-19 દરમિયાન ડિસઈન્વેસ્ટમેન્ટ દ્વારા 85 હજાર કરોડ રૂપિયા એકઠા કરી ચુકી છે. જ્યારે લક્ષ્ય 80 હજાર કરોડ રૂપિયાનું રાખવામાં આવ્યું હતું.

જેટલીએ ટ્વિટ કરીને કહ્યુ છે કે ચાલુ નાણાંકીય વર્ષ માટે 80 હજાર કરોડ રૂપિયાના લક્ષ્યના મુકાબલે આજે ડિસઈન્વેસ્ટમેન્ટ દ્વારા મળનારી રકમ 85 હજાર કરોડ રૂપિયા સુધી પહોંચી ગઈ છે.

સરકારે સીપીએસઈ ઈટીએફના પાંચમા હફ્તાથી જ્યાં 9500 કરોડ રૂપિયા એકઠા કર્યા છે, ત્યારે આરઈસી પીએફસી ડીલથી તેને 14 હજાર 500 કરોડ રૂપિયા મળ્યા છે.

સરકારે આગામી નાણાંકીય વર્ષ માટે 90 હજાર કરોડ રૂપિયાનું ડિસઈન્વેસ્ટમેન્ટ લક્ષ્યાંક રાખ્યું છે.

રેટિંગ એજન્સીઓ અને ઘણાં આર્થિક વિશ્લેષકો પડકારજનક પરિસ્થિતિ અને બજારમાં ચાલી રહેલા ઉતાર-ચઢાવને ટાંકીને ચાલુ નાણાંકીય વર્ષ માટે નક્કી કરવામાં આવેલા ડિસઈન્વેસ્ટમેન્ટ લક્ષ્યને પૂર્ણ કરવામાં આશંકા જાહેર કરી હતી.

રેટિંગ એજન્સી કેયર રેટિંગ્સે પોતાના રિપોર્ટમાં ડિસઈન્વેસ્ટમેન્ટ દ્વારા 60 હજાર કરોડ રૂપિયા મળવાની આશા વ્યક્ત કરી હતી.

રિપોર્ટ મુજબ, સરકાર નાણાંકીય વર્ષ 2014થી 2017 વચ્ચે ડિસઈન્વેસ્ટમેન્ટ લક્ષ્યના 65 ટકા રકમ એકઠી કરવામાં સફળ રહી હતી. 2014માં સરકાર લક્ષ્યના મુકાબલે 53 ટકા રકમ જ એકઠી કરી શકી હતી.

જો કે નાણાંકીય વર્ષ 2018માં સરકારે નિર્ધારીત લક્ષ્ય 72 હજાર 500 કરોડ રૂપિયાના મુકાબલે લગભગ એક લાખ કરોડ રૂપિયાની રકમ એકઠી કરવામાં સફળતા મેળવી હતી.

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code