શું તમારી પાસે ગૂગલ એકાઉન્ટ છે? તો હવે વીડિયો એડિટિંગ કરી શકશો અને એ પણ…
રિવોઈ ન્યૂઝ, 4 એપ્રિલ, 2026 – ટેક દિગ્ગજ ગૂગલે પોતાના વીડિયો પ્લેટફોર્મ Google Vids ને હવે જેની પાસે Google એકાઉન્ટ હોય એ દરેક યુઝર માટે ઉપલબ્ધ કરાવી દીધું છે. ખાસ વાત એ છે કે આના માટે તમારે એક પણ રૂપિયો ખર્ચ કરવાની જરૂર નથી. હવે કોઈ પણ યુઝર સરળતાથી હાઈ-ક્વોલિટી વીડિયો બનાવી શકે છે, તે પણ કોઈ પ્રોફેશનલ સ્કીલ વગર.
AI ની મદદથી વીડિયો બનાવવો થયો અત્યંત સરળ
ગૂગલના આ પ્લેટફોર્મમાં નવું Veo 3.1 મોડેલ ઉમેરવામાં આવ્યું છે, જેની મદદથી તમે માત્ર એક ટેક્સ્ટ લખીને અથવા ફોટો અપલોડ કરીને વીડિયો ક્લિપ તૈયાર કરી શકો છો. એટલે કે હવે તમારે કલાકો સુધી એડિટિંગ કરવાની જરૂર નથી, બસ તમારી કલ્પના લખો અને વીડિયો તૈયાર.
આ પણ વાંચોઃ એશિયન બોક્સિંગ ચેમ્પિયનશિપમાં નિખત ઝરીન, પ્રિયા અને પ્રીતિ પવાર મહિલા બોક્સિંગ સેમિફાઇનલમાં પહોંચ્યા
આ ફીચર ખાસ કરીને એવા લોકો માટે ખૂબ ઉપયોગી છે જેઓ YouTube Shorts અથવા Instagram Reels બનાવે છે અથવા પોતાના નાના બિઝનેસનું પ્રમોશન કરવા માંગે છે. દર મહિને યુઝર્સને 10 ફ્રી વીડિયો બનાવવાની સુવિધા પણ આપવામાં આવી રહી છે.
મ્યુઝિક પણ મળશે AI થી
વીડિયોની સાથે યોગ્ય મ્યુઝિક જોડવું હવે વધુ સરળ બની ગયું છે. Lyria 3 ની મદદથી તમે તમારા વીડિયો મુજબ પોતાનું મ્યુઝિક તૈયાર કરી શકો છો. ભલે તે દિવાળીનો ગ્રીટિંગ વીડિયો હોય, ટ્રાવેલ વ્લોગ હોય કે પ્રોડક્ટ પ્રમોશન, દરેક પ્રકારના કન્ટેન્ટ માટે યોગ્ય બેકગ્રાઉન્ડ મ્યુઝિક બનાવી શકાય છે. સૌથી મોટી રાહત એ છે કે હવે તમારે રોયલ્ટી-ફ્રી મ્યુઝિક શોધવાની કે કોપીરાઈટની ચિંતા કરવાની જરૂર રહેશે નહીં. વીડિયોની લંબાઈ પણ તમે 30 સેકન્ડથી લઈને 3 મિનિટ સુધી સેટ કરી શકો છો.
કેમેરા વગર બનાવો પ્રોફેશનલ વીડિયો
આ પ્લેટફોર્મમાં હવે AI અવતારનું ફીચર પણ સામેલ કરી દેવામાં આવ્યું છે. આ ડિજિટલ કેરેક્ટર તમારી જગ્યાએ સ્ક્રીન પર બોલી શકે છે, વસ્તુઓ સમજાવી શકે છે અને ઇન્ટરેક્ટ પણ કરી શકે છે. તમે તેમના લુક, બેકગ્રાઉન્ડ અને સ્ટાઇલને તમારી જરૂરિયાત મુજબ કસ્ટમાઇઝ કરી શકો છો. આ ફીચર એવા લોકો માટે અત્યંત ફાયદાકારક છે જેઓ કેમેરાની સામે આવવા માંગતા નથી પરંતુ ટ્યુટોરિયલ અથવા માહિતી આપતા વીડિયો બનાવવા માંગે છે.
આ પણ વાંચોઃ રોજગાર વાંચ્છુઓ સાથે પણ થઈ રહી છે ગુનાઈત છેતરપિંડી, જાણો મોડસ ઓપરેન્ડી વિશે
રેકોર્ડિંગ અને શેરિંગ પણ સરળ
વીડિયો બનાવવા ઉપરાંત રેકોર્ડિંગનું કામ પણ હવે સરળ થઈ ગયું છે. Google Chrome એક્સ્ટેંશનની મદદથી તમે સીધા તમારા બ્રાઉઝરમાં સ્ક્રીન અને વેબકેમ રેકોર્ડ કરી શકો છો. વીડિયો તૈયાર થયા પછી તમે તેને ડાઉનલોડ કર્યા વગર સીધો YouTube પર શેર કરી શકો છો. સાથે જ, વીડિયો ત્યાં સુધી પ્રાઈવેટ રહે છે જ્યાં સુધી તમે તેને પબ્લિક કરવા ન માંગો.
ભારતમાં વીડિયો કન્ટેન્ટ ઝડપથી લોકપ્રિય થઈ રહ્યું છે. ક્રિએટર્સ, સ્ટુડન્ટ્સ અને નાના બિઝનેસ માલિકો, દરેક જણ ડિજિટલ પ્લેટફોર્મનો ઉપયોગ કરી રહ્યા છે. એવામાં Google Vids એક એવું ટૂલ બનીને સામે આવ્યું છે જે મોંઘા સોફ્ટવેર અને જટિલ એડિટિંગની જરૂરિયાતને ખતમ કરે છે. હવે ભલે તમે યુટ્યુબર હોવ, ફ્રીલાન્સર, ડિઝાઇનર કે સ્ટુડન્ટ, આ પ્લેટફોર્મ તમને વધુ મહેનત અને ખર્ચ વગર પ્રોફેશનલ વીડિયો બનાવવાની સુવિધા આપે છે.
