- આસામમાં ભૂકંપના આંચકા
- લદ્દાખમાં પણ ધ્રૂજી ધરતી
- લોકોમાં ડરનો માહોલ જોવા મળ્યો
દિસપુર:આસામમાં શુક્રવારે ભૂકંપના આંચકા અનુભવાયા હતા. ભૂકંપનું કેન્દ્ર તેજપુર નજીક હતું. રિક્ટર સ્કેલ પર ભૂકંપની તીવ્રતા 3.7 હતી. બીજી તરફ લદ્દાખમાં પણ ભૂકંપના આંચકા અનુભવાયા હતા.
નેશનલ સેન્ટર ફોર સિસ્મોલોજી અનુસાર, આસામમાં સવારે 10:55 વાગ્યે ભૂકંપ આવ્યો હતો. તેનું કેન્દ્ર તેજપુરથી 39 કિમી દૂર જમીનની અંદર 10 કિમી દૂર હતું.
લદ્દાખમાં સવારે 10.23 કલાકે ભૂકંપના આંચકા અનુભવાયા હતા. તેનું કેન્દ્ર લદ્દાખમાં જમીનની અંદર 10 કિલોમીટર અંદર હતું. રિક્ટર સ્કેલ પર તેની તીવ્રતા 3.9 હતી.
અગાઉ માર્ચ મહિનામાં ભારતના ઘણા રાજ્યોમાં ભૂકંપના જોરદાર આંચકા અનુભવાયા હતા. રિક્ટર સ્કેલ પર ભૂકંપની તીવ્રતા 6.6 હતી. ભૂકંપની અસર દિલ્હી-NCR, ઉત્તર પ્રદેશ, જમ્મુ કાશ્મીર, હિમાચલ, પંજાબ, મધ્ય પ્રદેશ અને ઉત્તરાખંડ સહિત સમગ્ર ઉત્તર ભારતમાં જોવા મળી હતી. ભૂકંપનું કેન્દ્ર અફઘાનિસ્તાનનો હિંદુ કુશ પ્રદેશ હતો. આ આંચકા બાદ લોકો ગભરાઈને ઘરની બહાર નીકળી ગયા હતા. જો કે ગર્વની વાત છે કે અત્યાર સુધી દેશમાંથી કોઈ જાન-માલના નુકસાનના સમાચાર નથી.
જાણકારો મુજબ જમીનના અંદરના ભાગમાં આવેલા પ્લેટની જે હલન ચલન થાય છે અથવા તેના પર આવતા દબાણના કારણે ભૂકંપ આવ્યો હોય તેવી સંભાવનાઓ વ્યક્ત કરવામાં આવી છે. લોકો દ્વારા હાલ સતર્કતા અને સલામતી દાખવવામાં આવી રહી છે .જેના કારણે જાનહાનિ થઈ રહી નથી.અચાનક આવતા ભૂકંપના કારણે લોકોમાં પરેશાની પણ વધારે જોવા મળી રહી છે.
