માથું મુંડાવેલા હાર્દિક પંડ્યાએ માહિકા સાથે તિરુમાલા મંદિરની મુલાકાત લીધી
નવી દિલ્હી, 02 ઓગસ્ટ 2026: ભારતીય ક્રિકેટ ટીમના ઓલરાઉન્ડર હાર્દિક પંડ્યા હાલમાં રમતથી દૂર છે અને ઈજામાંથી સાજા થવા પર ધ્યાન આપી રહ્યા છે. આ દરમિયાન, તેમનો એક વીડિયો સામે આવ્યો છે જેમાં તેઓ તેમની ગર્લફ્રેન્ડ માહિકા શર્મા સાથે મંદિરની મુલાકાત લેતા જોવા મળે છે. વીડિયોમાં પંડ્યા મુંડન કરાવેલી સ્થિતિમાં (માથું મુંડાવેલું) જોવા મળે છે.
સમાચાર એજન્સી પીટીઆઈ (PTI) દ્વારા પોસ્ટ કરવામાં આવેલા એક વીડિયો અનુસાર, પંડ્યાએ તિરુમાલા સ્થિત શ્રી વેંકટેશ્વર સ્વામી મંદિરમાં પૂજા-અર્ચના કરી હતી. આ મુલાકાત દરમિયાન માહિકા પણ તેમની સાથે હતી. વીડિયોમાં પંડ્યા સફેદ ધોતી-કુર્તામાં જોવા મળે છે, જ્યારે માહિકાએ સફેદ સલવાર-સૂટ પહેર્યો છે.
હવે, દરેકને કદાચ એવો વિચાર આવતો હશે કે પંડ્યાએ પોતાનું મુંડન કેમ કરાવ્યું. તિરુમાલાના આ મંદિરમાં વાળ અર્પણ કરવાની પરંપરા છે. એવી પણ શક્યતા છે કે પંડ્યાએ કોઈ માનતા માની હોય અને તે પૂરી થયા બાદ વાળ અર્પણ કરવા માટે મંદિરની મુલાકાત લીધી હોય. સોશિયલ મીડિયા પર પંડ્યા અને માહિકાનો આ વીડિયો હાલમાં ખૂબ વાયરલ થઈ રહ્યો છે, અને મુંડન કરાવેલા પંડ્યાની તસવીરો પણ ભારે ચર્ચા જગાવી રહી છે.
VIDEO | Tirupati, Andhra Pradesh: Indian cricketer Hardik Pandya offers prayers during the Suprabhata Seva at the Sri Venkateswara Swamy Temple in Tirumala.
(Full video available on PTI Videos – https://t.co/n147TvrpG7) pic.twitter.com/HKdtPmcyC3
— Press Trust of India (@PTI_News) August 2, 2026
વાપસીના કરવાનો પ્રયાસમાં છે પંડ્યા
પાંડ્યા ઝડપથી સાજા થઈને ક્રિકેટના મેદાનમાં પરત ફરવા માટે પ્રયત્નશીલ છે. ઈજાને કારણે તે અફઘાનિસ્તાન સામેની વન-ડે શ્રેણી રમી શક્યો ન હતો અને તે જ કારણસર ઈંગ્લેન્ડના પ્રવાસે પણ ગયો ન હતો. પાંડ્યા ભારતીય ટીમનો એક મહત્વપૂર્ણ ખેલાડી છે; તેણે ભારતની 2024 અને 2026ની T20 વર્લ્ડ કપની જીતમાં નિર્ણાયક ભૂમિકા ભજવી હતી. ટીમ માટે તેની ફિટનેસ અત્યંત મહત્વપૂર્ણ છે, ખાસ કરીને જ્યારે આવતા વર્ષે વન-ડે વર્લ્ડ કપ યોજાવાનો છે.
