સરકાર એક્શનમાં,હવે આતંકવાદી સંગઠન જૈશ-એ-મોહમ્મદ સાથે સંકળાયેલ PAFF પર પ્રતિબંધ

દિલ્હી:કેન્દ્રએ શુક્રવારે પાકિસ્તાન સ્થિત આતંકવાદી સંગઠન જૈશ-એ-મોહમ્મદ સાથે જોડાયેલા પીપલ્સ એન્ટિ-ફાસિસ્ટ ફ્રન્ટ (PAFF)ને જમ્મુ અને કાશ્મીર અને અન્ય સ્થળોએ આતંકવાદી પ્રવૃત્તિઓમાં સામેલ થવા બદલ પ્રતિબંધિત સંગઠન તરીકે જાહેર કર્યું છે.તેની જાણકારી એક નોટિફિકેશનમાં આપવામાં આવી છે.

તેમાં કહેવામાં આવ્યું છે કે,કેન્દ્રીય ગૃહ મંત્રાલયે લશ્કર-એ-તૈયબાના સહયોગી અરબાઝ અહમદ મીરને આતંકવાદ વિરોધી કાયદા ગેરકાનૂની પ્રવૃત્તિઓ (નિવારણ) અધિનિયમ, 1967 હેઠળ આતંકવાદી જાહેર કર્યો છે, જે હાલમાં પાકિસ્તાનમાં છે અને જમ્મુ અને કાશ્મીરનો રહેવાસી છે.

કેન્દ્રીય ગૃહ મંત્રાલયે કહ્યું કે,PAFF અન્ય રાજ્યો સાથે જોડાયેલા જમ્મુ અને કાશ્મીરમાં કામ કરતા સુરક્ષા દળો, રાજકીય નેતાઓ અને નાગરિકોને વારંવાર ધમકીઓ આપી રહ્યું છે.સૂચના અનુસાર, PAFF અન્ય સંસ્થાઓ સાથે મળીને હથિયારો, દારૂગોળો અને વિસ્ફોટકો સાથે હુમલા કરવા માટે યુવાનોની ભરતી કરી રહી છે.જે મુજબ આ સંગઠન આતંકવાદી ગતિવિધિઓમાં સામેલ છે.