- તમાલપત્રની ચા પીવાના અનેક ફાયદા
- પોષક તત્વોથી ભરપૂર છે તમાલપત્ર
- અનેક બીમારીઓ સામે આપે છે રક્ષણ
તમાલપત્રનો ઉપયોગ દાળ, ઢોકળા,બિરયાની સહીત કોઈ પણ મસાલેદાર શાકમાં કરવામાં આવે છે. જો કોઈ પણ વસ્તુમાં તમાલપત્રનો વઘાર કર્યો ન હોય તો તેનો સ્વાદ અધૂરો લાગે છે. તમાલપત્રની સુગંધ અને સ્વાદ ભોજનનો સ્વાદ વધારે છે. પરંતુ તેજપત્તા એટલે કે તમાલપત્રનો ઉપયોગ માત્ર ભારતીય રસોડામાં ખાવાનો સ્વાદ વધારવા માટે જ થતો નથી, પરંતુ આના ઘણા આયુર્વેદિક ફાયદા પણ છે.
તમાલપત્ર એન્ટીઓકિસડેંટ, વિટામિન એ, વિટામિન સી, આયર્ન, ફોલિક એસિડ અને પોટેશિયમ, જેવા પોષક તત્વોથી ભરપૂર હોય છે, જે ઘણી રીતે સ્વાસ્થ્ય માટે ફાયદાકારક માનવામાં આવે છે. તેના એન્ટી-ઇંફ્લેમેટરી, એન્ટિફંગલ અને એન્ટીબેક્ટેરિયલ ગુણધર્મોને કારણે, આયુર્વેદમાં દવાઓ બનાવવા અને સારવાર માટે પણ તેનો ઉપયોગ થાય છે.
તમાલપત્રનો સ્વાદ થોડો કડવો અને તાસીર ગરમ છે. આ કિસ્સામાં, ભોજનમાં ઉપયોગ કરવા સિવાય જો તમે તમાલપત્રની ચા પીવાનું શરૂ કરો છો, તો તે તમારા માટે વધુ ફાયદાકારક હોઈ શકે છે.
તમાલપત્રની આ રીતે બનાવો ચા
સૌપ્રથમ 2 કપ પાણીમાં 1 તમાલપત્ર અને અડધી ચમચી તજ પાવડર નાખો અને 4-5 મિનિટ સુધી ઉકાળો. ગેસ બંધ કરો અને થોડીવાર માટે ઢાંકી રાખો. ત્યારબાદ તેને ગાળીને તેમાં લીંબુ અથવા મધ મિક્ષ કરીને પીવો. આ ચા તમારા સ્વાસ્થ્ય માટે ખૂબ ફાયદાકારક રહેશે.
તમાલપત્રની ચા પીવાના ફાયદા
1.ડાયાબિટીઝના દર્દીઓ માટે લાભદાયક
ડાયાબિટીઝના દર્દીઓએ તમાલપત્રનું સેવન કરવું જોઈએ. આ તેમના ગ્લુકોઝનું સ્તર ઘટાડશે. આ સિવાય ઇન્સ્યુલિનનું ફંક્શન પણ સુધારે છે.
2.પાચનમાં સુધારો કરે છે
તમાલપત્રમાં એક વિશેષ પ્રકારનું એન્ઝાઇમ જોવા મળે છે જે પાચનમાં સુધારો કરવામાં મદદ કરે છે. જો તમને કબજિયાત અથવા એસિડિટીની સમસ્યા છે, તો તમારે તમાલપત્રની ચા પીવી જ જોઇએ.
3. હૃદયને સ્વસ્થ રાખે છે
બોડી એલડીએલ ઘટાડીને શરીરમાં ખરાબ કોલેસ્ટ્રોલ ઘટાડવામાં મદદ કરે છે અને લોહીમાં એકંદર કોલેસ્ટરોલ પણ જે તમારા હૃદયને સ્વસ્થ રાખવામાં મદદ કરે છે.
4.ઘા મટાડે છે
તમાલપત્રમાં એન્ટિમાઇક્રોબાયલ ગુણ હોય છે, જે શરીરમાં ક્યાંય પણ ઘા હોય તો ઝડપથી મટાડવામાં મદદ કરે છે. તેથી તમાલપત્ર તમારા માટે ફાયદાકારક હોઈ શકે છે.
દેવાંશી
