વાળ પર મહેંદી લગાવવા માટેની કેટલીક મહત્વપૂર્ણ ટીપ્સ,અહીં જાણો

• મહેંદી વાળનો વધારશે રંગ
• આ ભૂલો કરવાથી બચો
• જાણો અહીં મહત્વપૂર્ણ ટીપ્સ

હેર કલર કરવા માટે ભલે વિવિધ પ્રકારના હેર ડ્રાય માર્કેટમાં આવી ગયા હોય, પરંતુ લાંબા સમય સુધી વપરાતી મહેંદી આજે પણ લોકોની ફેવરિટ માનવામાં આવે છે.તેની ખાસિયત એ છે કે,તેનાથી વાળને માત્ર કલર જ નથી મળતો પરંતુ વાળની ઘણી સમસ્યાઓ પણ તેના દ્વારા દૂર કરી શકાય છે અને તેથી તે વર્ષોથી આપણી બ્યુટી રૂટીનનો એક ભાગ છે. વાળને રંગવા માટે બજારમાં ઉપલબ્ધ પ્રોડકટ્સ વિશે વાત કરીએ તો, તે તેમના માટે ઘણી હદ સુધી નુકસાનકારક સાબિત થાય છે.તેમાં ઉપયોગમાં લેવાતા કેમિકલ વાળ માટે સારા માનવામાં આવતા નથી,તેની જગ્યાએ મહેંદીનો ઉપયોગ કરવો બેસ્ટ રહે છે.

જો કે, આજે પણ લોકો મહેંદી લગાવવાની સાચી રીત નથી જાણતા અને તેના કારણે તે વાળમાં કલર નથી આપી શકતા, જેના માટે લોકો અપેક્ષા રાખે છે. અમે તમને મહેંદી સંબંધિત કેટલીક મહત્વપૂર્ણ ટીપ્સ જણાવીશું, જે તમારા માટે ઉપયોગી થશે.

ઘણી વખત લોકોને એવું લાગે છે કે,મહેંદી લગાવતી વખતે જો તેમાં કંઈક ભેળવવામાં આવે તો તેનાથી પણ સારું પરિણામ મળી શકે છે. કેટલીકવાર મહેંદી પલાળતી વખતે લોકો તેમાં દહીં પણ મિક્સ કરે છે, જેના કારણે તે પરિણામ નથી આપતું જે તેઓ શોધી રહ્યા છે. એવું કહેવાય છે કે તે મહેંદીમાં રહેલા પ્રોટીન સાથે બોન્ડ બનાવી શકે છે અને તેના કારણે વાળમાં પ્રોટીન નથી મળતું. આવું કરવાથી બચો.

મોટાભાગના લોકો વાળને સારું પોષણ આપવા માટે મહેંદી લગાવતા પહેલા વાળમાં તેલ લગાવે છે.તેલ વાળ પર એક લેયર બનાવે છે, જેના કારણે મહેંદીનો રંગ ચઢી જતો નથી અને તેના કારણે મહેંદી લગાવવાથી પણ બગડી જાય છે. જો તમે મહેંદી પહેલા વાળમાં તેલ લગાવવા માંગતા હોવ તો તેને મૂળમાં પણ લગાવો. વાળને સૂકા રાખો, જેથી મહેંદી તેને બરાબર પકડી શકે.

કહેવાય છે કે મહેંદીમાં સામાન્ય પાણીનો ઉપયોગ કરવામાં આવે તો પણ વાળમાં મહેંદીનો રંગ બરાબર નથી ઉતરતો.ઘણીવાર લોકો આ ભૂલ કરે છે. તેના બદલે તમે મહેંદીમાં ચા કે કોફીના પાણીનો ઉપયોગ કરી શકો છો. ચા કે કોફીનું પાણી ઠંડું થઈ જાય પછી તેમાં મહેંદી પલાળી દો અને પછી તેને માથા અને વાળમાં લગાવો.