વર્ષ 2022 મહિલા વિશ્વકપ માટે પ્રાઈઝ મની ICC એ બમણી કરી – જાણો હવે કેટલી રકમ મળવા પાત્ર બનશે
- આઈસીસી એ મહિલા વર્લ્ડ કપની પ્રાઈઝમની વધારી
- વર્ષ 2022 વર્લ્ડકપની પ્રાઈઝમની ડબલ આપવામાં આવશે
દિલ્હીઃ- દેશભરમાં હવે મહિલાઓનો દરેક ક્ષેત્રમાં દબદબો જોવા મળે છે, ત્યારે હવે આઈસીસીએ મહિલા વિશ્વ કપ 2022ને લઈને મહત્વની જાહેરાત કરી છે,પ્રાપ્ત માહિતી પ્રમાણે હવે ICC મહિલા વન-ડે વર્લ્ડ કપ જીતનાર ટીમને ગત વખતની સરખામણીએ આ વખતે લગભગ બમણી ઈનામી રકમ મળશે
ઇન્ટરનેશનલ ક્રિકેટ કાઉન્સિલએ મંગળવારે આ ટૂર્નામેન્ટ માટે નવી ઇનામી રકમની જાહેરાત કરી છે. આ વખતે વર્લ્ડ કપ વિજેતા ટીમને 1.32 મિલિયન યુએસ ડોલર એટલે કે લગભગ 10 કરોડ રૂપિયા મળવા પાત્ર બનશે.
ઉલ્લેખનીય છે કે મહિલા વર્લ્ડ કપની મેચો 4 માર્ચથી 3 એપ્રિલ સુધી ન્યૂઝીલેન્ડના છ સ્થળોએ રમાનાર છે. વર્લ્ડ કપ રાઉન્ડ-રોબિન ફોર્મેટમાં રમાશે અને ટોચની ચાર ટીમો સેમિફાઇનલમાં જશે.ત્યારે હવે આ મહત્વની જાહેરાત કરવામાં આવી છે.
ICCએ કહ્યું કે એકંદરે ઈનામની રકમમાં 75 ટકાનો વધારો કરવામાં આવ્યો છે. જેમાં ટીમોને US$ 3.5 મિલિયન અંદાજે રૂ. 26.47 કરોડ મળશે, જે અગાઉની ઇનામી રકમ કરતાં US$ 1.5 મિલિયન અંદાજે રૂ. 11.35 કરોડ જેટલી વધુ છે.આ સાથે જ ઉપવિજેતા ટીમને USD 6 લાખ અંદાજે 4.53 કરોડ રપિયા મળશે.ઉલ્લેખનીય છે કે ભારતીય મહિલા ક્રિકેટ ટીમ આ દિવસોમાં ન્યુઝીલેન્ડના પ્રવાસે છે. જ્યાં પાંચ મેચની વનડે શ્રેણી રમાઈ રહી છે.
