મુંબઈ: રણબીર કપૂરની ફિલ્મ ‘એનિમલ’ આ વર્ષની મોસ્ટ અવેટેડ ફિલ્મોમાંથી એક છે. ફિલ્મમાં અભિનેતાનો અત્યાર સુધીનો સૌથી અલગ લુક જોવા મળશે. જ્યારથી આ ફિલ્મની જાહેરાત થઈ છે ત્યારથી ચાહકો તેના ટીઝરની રાહ જોઈ રહ્યા છે. હવે નિર્માતાઓએ આ રાહનો અંત લાવ્યો છે અને ટીઝરની રિલીઝ ડેટને ફાઇનલ કરી છે. આ સાથે રણબીર કપૂરનો નવો લૂક પણ સામે આવ્યો છે.હવે નિર્માતાઓએ આ રાહનો અંત લાવ્યો છે અને ટીઝરની રિલીઝ ડેટને ફાઇનલ કરી છે. આ સાથે રણબીર કપૂરનો નવો લૂક પણ સામે આવ્યો છે.
ફિલ્મ ‘એનિમલ’ ડિસેમ્બરમાં રિલીઝ થઈ રહી છે. પહેલીવાર રણબીર કપૂર સાઉથની ટોચની અભિનેત્રી રશ્મિકા મંદન્ના સાથે સ્ક્રીન શેર કરતો જોવા મળશે. સેટ સાથે જોડાયેલી કેટલીક તસવીરો પણ સામે આવી છે અને હવે ટીઝરની અંતિમ તારીખ પણ જાહેર કરવામાં આવી છે.
ફિલ્મના ડિરેક્ટર સંદીપ વાંગા રેડ્ડીએ સોમવારે એક અપડેટ શેર કર્યું હતું કે ‘એનિમલ’નું ટીઝર રણબીર કપૂરના જન્મદિવસ પર રિલીઝ કરવામાં આવશે. રણબીરનો જન્મદિવસ 28મી સપ્ટેમ્બરે છે અને એ જ દિવસે તેની ફિલ્મનું ટીઝર રિલીઝ કરવામાં આવશે જે પાન ઈન્ડિયા લેવલ પર રિલીઝ થશે. જેમ જેમ તારીખ નજીક આવી રહી છે, ચાહકોમાં ટીઝરની ઝલક જોવાની રાહ વધી ગઈ છે.
રિલીઝ ડેટની સાથે જ રણબીર કપૂરનો નવો લૂક પણ સામે આવ્યો છે, જેને ઘણો પસંદ કરવામાં આવી રહ્યો છે. નવા લુકમાં તે ગોગલ્સ પહેરીને સિગારેટ પીતો જોઈ શકાય છે. ટીઝરની તારીખ અને નવો લુક જાહેર થયા બાદ ચાહકોએ પોતાનો ઉત્સાહ દર્શાવ્યો છે.
રણબીર કપૂર અને રશ્મિકા મંદન્ના સિવાય આ ફિલ્મમાં અનિલ કપૂર, તૃપ્તિ ડિમરી અને સૌરભ શુક્લા જેવા ટેલેન્ટેડ સ્ટાર્સની હાજરીની પણ ચર્ચા છે. આ 8 ગીતોવાળી મ્યુઝિકલ ફિલ્મ હશે, જે 1 ડિસેમ્બરે રિલીઝ થઈ રહી છે.
