Internationalગુજરાતી

મિસ્ત્રના પિરામીડથી પણ હજારો વર્ષ જૂનું છે આ રહસ્યમયી ન્યુગ્રેંજ સ્મારક

  • વિશ્વમાં અનેક સ્મારકો રસપ્રદ અને રહસ્યોથી ભરપૂર છે
  • આવું જ એક સ્મારક આયરલેન્ડના કાઉન્ટીમથ પર આવેલું છે
  • આ સ્મારકનું નામ ન્યુગ્રેંજ છે જે વિશ્વભરમાં મશહુર મિસ્ત્રના પિરામીડથી પણ જૂનો છે

નવી દિલ્હી: વિશ્વમાં અનેક સ્મારકો આવેલા છે જે રસપ્રદ અને વિસ્મય પમાડે તેવા છે. આવું જ એક સ્મારક છે જે રહસ્યમયી છે. વિશ્વના નક્શામાં આ સ્મારક આયરલેન્ડના કાઉન્ટીમથ પર આવેલું છે. આ સ્મારકનું નામ ન્યુગ્રેંજ છે. ન્યુગ્રેંજ એક ઐતિહાસિક સ્મારક છે જે ખૂબ જ અસાધારણ રીતે બનાવવામાં આવેલો એક મકબરો છે.

આ સ્મારક વિશે વાત કરીએ તો તે ન્યુગ્રેંજ સ્મારક બોયેન નદીની ઉત્તરમાં આવેલા દ્રોગેડાથી 8 કિલોમીટરના અંતરે પશ્વિમમાં બનાવવામાં આવ્યું છે. પ્રાપ્ત વિગતો અનુસાર 3200 ઇ.સા. પૂર્વની આસપાસ નૌપાષાણનાં શાસનકાળ દરમિયાન બનાવવામાં આવેલો આ મકબરો ભવ્ય અને અસાધારણ સ્મારક છે. જે વિશ્વભરમાં મશહુર મિસ્ત્રના પિરામીડથી પણ ઘણો જૂનો છે.

ન્યુગ્રેંજ સ્મારક દેખાવમાં એક વિશાળ ગોળાકાર ટેકરા જેવુ છે. તેમાં આવવા જવા માટેનો એક રસ્તો અને ઘણા બધા કક્ષ છે. ન્યૂગ્રીંજની શોધ ઘણા સમયે પહેલા થઈ હતી. પરંતુ 1962થી લઈને 1975 સુધી અહીં ખોદકામનું કામ ચાલી રહ્યું હતું. અને આ સ્મારક વિશે વધુને વધુ જાણવાના પ્રયત્ન પણ કરવામાં આવ્યા. આ સ્મારકના એક કક્ષમાં 19 મીટર લાંબો એક રસ્તો છે. જે માત્ર શિયાળાના સમયમાં સૂર્યોદય થાય ત્યારે જ રોશન થતો હતો.

એ પણ એક રહસ્ય જ છે કે, ન્યુગ્રેંજ સ્મારકમાં માણસોના હાડકા સિવાય કબરનો પણ સામાન મળ્યો હતો. સ્મારકના ખોદકામ સમયે કેટલીક સળગેલી અને અર્ધસળગેલી હાલતમાં માનવ અસ્થિઓ મળી આવી. જે દર્શાવતી હતી કે આ સ્મારકની અંદર મૃતદેહને રાખવામાં આવતા હતા. આ સ્મારકને લઈ કેટલાક પુરાતત્વ વિભાગના નિષ્ણાંતોનું માનવુ છે કે, ન્યુગ્રેંજ સ્મારક સાથે  કોઈ ખાસ પ્રકારનું ધાર્મિક મહત્વ હોવુ જોઈએ. કોઈ ખાસ પ્રકારની પૂજા કરવામાં આવતી હતી.

જોકે, આ સ્મારકનો ઉપયોગ વાસ્તવમાં શા માટે કરવામાં આવતો હતો, અને તેનું નિર્માણ કોણે કરાવ્યું આ અંગે કોઈ પુષ્ટ જાણકારી નથી મળી. એટલે જ એ રહસ્યોથી ભરપૂર છે.

(સંકેત)

Related posts
BEAUTYગુજરાતી

બ્યુટી પાર્લરમાં બનતા મોંઘા ફેશિયલને બનાવો ઘરે બેઠા, સંતરાની છાલનો કરો આ રીતે ઉપયોગ

સંતરા અથવા નારંગીના છે અનેક ફાયદા ચહેરાની સુંદરતા વધારવામાં પણ છે ઉપયોગી ઘરે બેઠા જ બનાવી શકો છે ફેશિયલ પેક બજારમાં આજે…
Regionalગુજરાતી

ભૂમિ સુપોષણ અભિયાન: ગુજરાતમાં યોજાશે ભૂમિપૂજન કાર્યક્રમ, 6000 ગામોમાં ખેડૂતો ભૂમિ સુધારણાનો લેશે સંકલ્પ

રાસાયણીક ખાતર-જંતુનાશક દવાઓથી જમીનની ફળદ્રુપતા નષ્ટ થઇ ચૂકી છે આ સંજોગોમાં ધરતી માતાને ફરીથી ફળદ્રુપ બનાવી નવપલ્લવીત કરવી આવશ્યક છે આ જ…
Nationalગુજરાતી

હવે ઘરેલૂ ફ્લાઇટમાં ભોજન નહીં મળે, જાણો ઉડ્ડયન મંત્રાલયનો નિર્ણય

કોરોનાના સ્ફોટક સંક્રમણ વચ્ચે નાગરિક વિમાન મંત્રાલયે લીધો નિર્ણય વિમાન મંત્રાલયે કોરોનાને કાબૂ કરવાની દિશામાં મોટું પગલું ભર્યું 2 કલાકથી ઓછી સ્થાનિક…

Leave a Reply