ઘરમાં દિવાલ કાળી પડી ગઈ છે? તો આ રીતે કરો સાફ
ઘરમાં હંમેશા જોવા મળતું હોય છે કે જ્યારે પણ પૂજા કરવામાં આવે ત્યારે અગરબતીના કારણે દિવાલો કાળી પડી જતી હોય છે. ક્યારેક મનમાં વિચાર પણ આવે કે આ દિવાલોને સાફ કરવી જોઈએ પણ ફરીવાર કાળી પડી જવાના વિચારના કારણે આપણે સાફ પણ કરતા નથી. પણ હવે તેને દુર પણ કરી શકાય છે.
ધોઈ શકાય તેવા પેઇન્ટને કોઈપણ વસ્તુ પર સાફ કરી શકાય છે. આ પણ તેની ખાસિયત છે.જો તમે પણ તમારા ઘરમાં વોશેબલ પેઈન્ટ કરાવ્યું હોય તો તમારે કાળી દિવાલોની ચિંતા કરવાની જરૂર નથી. આ માટે તમે સ્ક્રબ પર લોન્ડ્રી સાબુ લગાવો. જે પછી તેને દિવાલ પરની જગ્યા પર ફેરવો. આ તમારી દિવાલ સાફ કરશે.
આ ઉપરાંત જેલ ટૂથપેસ્ટની મદદથી ઘરની કાળી દિવાલોને પણ સાફ કરી શકો છો. જો તમારી પાસે ઘરે જેલ ટૂથપેસ્ટ નથી, તો તમે આ ટૂથપેસ્ટને બજારમાંથી ખરીદી શકો છો. તમને જાણીને નવાઈ લાગશે કે જેલ ટૂથપેસ્ટથી પેઇન્ટ પરના કાળા ડાઘ સરળતાથી સાફ કરી શકાય છે.તમારે સ્વચ્છ કપડા પર ટૂથપેસ્ટ લગાવીને દિવાલો સાફ કરવી પડશે.
આ લેખમાં આપવામાં આવેલી માહિતી સામાન્ય ધારણાઓ પર આધારિત છે અને તેની કોઈ પૃષ્ટિ કરવામાં આવતી નથી.
