અમદાવાદઃ શહેરના ભાડજ ખાતે હરેકૃષ્ણ મંદિરમાં ઝૂલન ઉત્સવની ઊજવણી કરવામાં આવી હતી. જેમાં ભગવાન કૃષ્ણ અને રાધારાનીને પાંચ દિવસ સુધી ઝૂલા પર બિરાજમાન કરાયા હતા. મોટી સંખ્યામાં ભાવિકો ભગવાનને ઝૂલાવવા ઉમટી પડ્યા હતા. તેમજ ભગવાન કૃષ્ણ અને રાધારાનીના શૃંગારના દર્શન કરી ભાવિકો ધન્ય બન્યા હતા. ઝૂલન ઉત્સવ શ્રાવણ મહિનામાં તેજસ્વી પખવાડિયાની અગિયારસથી પૂર્ણિમા સુધી ઊજવવામાં આવે છે.
શહેરના ભાડજ ખાતે હરેકૃષ્ણ મંદિરમાં ઝૂલન ઉત્સવની ઊજવણી કરવામાં આવી હતી. જેમાં ભગવાન કૃષ્ણ અને રાધારાનીને પાંચ દિવસ સુધી ઝૂલા પર બિરાજમાન કરાયા હતા. મોટી સંખ્યામાં ભાવિકો ભગવાનને ઝૂલાવવા ઉમટી પડ્યા હતા ઝૂલનને ખૂબ જ સરસ રીતે વન લતાઓ, જાસ્મીન(માલતી) જેમાં ઋતુના નવા પુષ્પોની માળાથી શણગારવામાં આવી હતી. આહલાદક ગુલાબજળનો ઉપયાગ કરીને દૈવી દંપતી ભગવાન શ્રી કૃષ્ણ અને શ્રીમતી રાધારાની ઉપર ઝૂલન દરમિયાન છંટકાવ કરવામાં આવ્યો હતો. ઝૂલણ ઉત્સવના પાંચમા અને છેલ્લા દિવસે શ્રી બલરામ જયંતિની ઉજવણી કરવામાં આવી હતી. ભગવાન બલરામને ‘અચ્યુતગ્રજઃ’ તરીકે ઓળખવામાં આવે છે. તેમના નાના ભાઈ ભગવાન કૃષ્ણ. ભગવાન કૃષ્ણનો સંપૂર્ણ વિસ્તરણ છે જે ભગવાનને તેમના વિવિધ મનોરંજનમાં મદદ કરવા માટે નીચે આવે છે. એવું કહેવાય છે કે ભગવાન બલરામની દયા વિના કોઈ પણ વ્યક્તિ ભગવાન કૃષ્ણની નજીક ન જઈ શકે.
હરેકૃષ્ણ મંદિરને ભગવાન શ્રી રાધા માધવને શ્રી બલરામ જયંતિ દિવસે ખૂબ જ સુંદર રીતે શણગારવામાં આવ્યું હતું. ઝૂલન પર ભગવાનને બિરાજમાન કરીને ઝૂલવવામાં આવ્યા હતા. ઝૂલનને ભવ્ય ફૂલોથી સજાવવામાં આવ્યું હતું. જેમ કે, કેરીલેસન, સેવંતી, જરબારા, મેરીગોલ્ડ, રજનીગંધા, ઓરચીડ, કામિની વગેરે તથા રંગબેરંગી માળા, ફળો, સુકા મેવા વગેરેથી સુંદર રીતે સજ્જ કરવામાં આવશે. ભગવાન શ્રી શ્રી રાધા માધવને ઝૂલન પર બિરાજમાન કરાવી આરતી ઉતારવામાં આવી, સથોસાથ ખાસ કિર્તન ‘જય રાધા માધવ ગીતી’નું ગાન કરવામાં આવ્યું હતું. ભક્તોએ ભગવાનની પ્રસન્નાર્થે જુદી જુદી જાતના ભોગ અર્પણ કર્યા હતા. આખો દિવસ સતત કિર્તન અને ભજનનું ગાન કરવામાં આવ્યું હતું. તેમજ મંદિરની મુલાકાત લેનારા દર્શનાર્થીઓને ભગવાનને ઝૂલવવાનો અવસર પ્રાપ્ત થયો હતો.
