માધુરી દિક્ષીતે લોંચ કર્યુ ઓનલાઈન ડાન્સ કોમ્પિટિશન ‘મેક ઘ વર્લ્ડ ડાન્સ’ – તમે પણ લઈ શકો છો ભાગ

• માધુરી દિક્ષીતે ઓનલાઈન ડાન્સ સ્પર્ધાનું આયોજન કર્યું
• મેક ઘ વર્લ્ડ ડાન્સ લોંચ કર્યું
• 23 ડિસેમ્બરથી 9 જાન્યુઆરી સુધી ચાલશે આ સ્પર્ધા

મુંબઈઃ- બોલિવૂડની ઘકઘક ગર્લ ડાન્સને લઈને ખૂબ જાણીતી છે આજે પણ માધુરીના ડાન્સના લાખો દિવાના છે ક્યારે હવે માધુરી દીક્ષિત નેનેએ તેના ઓનલાઈન ડાન્સિંગ પ્લેટફોર્મ ‘ડાન્સ વિથ માધુરી’ પર ઓનલાઈન ડાન્સ કોમ્પિટિશન ‘મેક ધ વર્લ્ડ ડાન્સ’ શરૂ કરી છે.

જો કે આ સ્પર્ધાની મહત્વની વાત એ છે કે આ સ્પર્ધામાં અરજી કરનારા તમામ ઉમેદવારોએ એવો ડાન્સ કરવાનો હોય છે જે દરેકને ડાન્સ કરવા મજબૂર કરી દે. એ રીતે ડાન્સ કરવાનો હોય છે કે જાણે તમને કોઈ જોઈ રહ્યું નથી કે કોઈ જજ કરી રહ્યું નથી.

આ સાથે જ આ સ્પર્ધાના પ્રથમ વિજેતાને 12 હજાર રોકડ પુરસ્કાર આપવામાં આવશે. બીજી તરફ, દ્વિતીય સ્થાન મેળવનાર ઉમેદવારને રૂ.8 હજાર ની રકમ આપવામાં આવશે. તમામ ફાઇનલિસ્ટને માધુરી દીક્ષિત દ્વારા ડિજિટલી હસ્તાક્ષરિત સહભાગિતા પ્રમાણપત્ર અને એક મહિના માટે ‘ડાન્સ વિથ માધુરી’નું મફત સબ્સ્ક્રિપ્શન પણ આપવામાં આવશે.

માધુરીની આ સ્પર્ધા આજથી એટલે કે 23 ડિસેમ્બર, 2021 થી શરૂ થશે અને 9 જાન્યુઆરી, 2022 ના રોજ સમાપ્ત થશે. સ્પર્ધાના નિયમો સરળ રાખવામાં આવ્યા છે; જે મુજબ સ્પર્ધ પોતાની પસંદના કોઈપણ ગીત પર પર્ફોર્મ કરી શકશે અને ડાન્સ વિડિયો ‘ડાન્સ વિથ માધુરી’ વેબસાઈટ પર સબમિટ કરવાનું રહેશે. પરફોર્મન્સ વીડિયો એન્ટ્રી સબમિટ કરવાની છેલ્લી તારીખ 3 જાન્યુઆરી, 2022 હશે.

માધુરી દીક્ષિત નેને, ‘મેક ધ વર્લ્ડ ડાન્સ’ સ્પર્ધા વિશે વાત કરતા કહે છે કે અમે ઈચ્છીએ છીએ કે દરેક વ્યક્તિ આ વર્ષનો અંત ખૂબ જ સારી રીતે કરે. 2021 આપણા બધા માટે મુશ્કેલ રહ્યું છે. હાસ્ય, પ્રેમ અને નૃત્ય સાથે 2022 માં પ્રવેશ કરાવાનો આ સ્પર્ધાનો અમારો હતું છે

ગ્રાન્ડ ફિનાલે માટે ક્વોલિફાય થયેલા સ્પર્ધકોનું પરિણામ 5 જાન્યુઆરી, 2022 સુધીમાં ‘ડાન્સ વિથ માધુરી’ના પ્રચાર પૃષ્ઠ પર પ્રદર્શિત કરવામાં આવશે. 6 શોર્ટલિસ્ટેડ ફાઇનલિસ્ટને 9 જાન્યુઆરીના રોજ ઓનલાઈન જજીસની સામે ‘ડાન્સ વિથ માધુરી’ જણાવવામાં આવેલા ખાસ સોંગ પર પરફોર્મ કરવાની તક આપવામાં આવશે. ડાન્સ વિથ માધુરીના ઇન્સ્ટાગ્રામ અને ફેસબુક હેન્ડલ્સ પર બીજા જ દિવસે વિજેતાઓની જાહેરાત કરવામાં આવશે.