MP: કોંગ્રેસ નેતા સુરેશ પચૌર અને પૂર્વ સાંસદ ગજેન્દ્ર રાજુખેડી ભાજપમાં જોડાયા
ભોપાલ: લોકસભા ચૂંટણી પહેલા મધ્ય પ્રદેશમાં કોંગ્રેસના વરિષ્ઠ નેતા અને ભૂતપૂર્વ કેન્દ્રીય પ્રધાન સુરેશ પચૌરી, ભૂતપૂર્વ સાંસદ ગજેન્દ્ર સિંહ રાજુખેડી અને ભૂતપૂર્વ ધારાસભ્યો અને અન્ય ઘણા લોકો શનિવારે ભારતીય જનતા પાર્ટી (BJP) માં જોડાયા છે. મધ્યપ્રદેશના મુખ્યમંત્રી મોહન યાદવ, પ્રદેશ ભાજપ અધ્યક્ષ વીડી શર્મા અને પૂર્વ મુખ્યમંત્રી શિવરાજ સિંહ ચૌહાણની હાજરીમાં પચૌરી, રાજુખેડી અને અન્ય નેતાઓ સવારે પાર્ટીના રાજ્ય મુખ્યાલયમાં ભાજપમાં જોડાયા હતા.
કોંગ્રેસના ભૂતપૂર્વ ધારાસભ્યો સંજય શુક્લા, અર્જુન પાલિયા, વિશાલ પટેલનો પણ સત્તાધારી પક્ષમાં જોડાયેલા નેતાઓમાં સમાવેશ થાય છે. ગાંધી પરિવારના નજીકના ગણાતા પચૌરી કેન્દ્રીય સંરક્ષણ રાજ્ય મંત્રી (રક્ષણ ઉત્પાદન અને પુરવઠા) રહી ચૂક્યા છે. તેઓ ચાર વખત કોંગ્રેસના રાજ્યસભાના સભ્ય પણ રહી ચૂક્યા છે.
પચૌરી અગાઉ કોંગ્રેસમાં અનેક મહત્ત્વના હોદ્દા સંભાળી ચૂક્યા છે, જેમાં પાર્ટીના મધ્ય પ્રદેશ એકમના પ્રમુખ પદનો પણ સમાવેશ થાય છે. તેઓ યુથ કોંગ્રેસના રાજ્ય એકમના અધ્યક્ષ પણ હતા. અગ્રણી આદિવાસી નેતા રાજુખેડી ધાર (અનુસૂચિત જનજાતિ) લોકસભા બેઠક પરથી ત્રણ વખત સાંસદ તરીકે ચૂંટાયા હતા. કોંગ્રેસમાં જોડાતા પહેલા તેઓ 1990માં ભાજપના ધારાસભ્ય તરીકે ચૂંટાયા હતા.
